د ایران مذهبي مشر جګړه کې د افغان وسلوالو رول وستایه

خامنه يي د انځور حقوق Getty Images

د تسنیم خبري اژانس د رپوټ له مخې، د ایران مذهبي مشر ایت الله سید علي خامنه يي د فاطمیون لېوا د وژل شویو غړیو له کورنیو سره په لیدنه کې د دې وسلوالو رول وستایه.

د دې رپوټ له مخې ایت الله سید علي خامنه يي وویل: "افغان وروڼه شهیدان تر نورو امتیاز لري، ځکه چې په ډېره بې وزلۍ کې شهیدان شول".

نوموړي مشهد کې د افغان وسلوالو له کورنیو سره لیدنه کې دا خبرې کړې.

ښاغلی خامه يي دا هم وايي، چې امریکا د اسیا لوېدیځ کې ماته خوړلې او د دې لامل هم هغه کسان دي چې دې جګړه کې یې خپل ژوند له لاسه ور کړی دی.

"اوس امریکا د اسیا لوېدیځ کې ماته خوړلې، لبنان، سوریه او عراق کې او د دې ماتې عامل هم ستاسو همدا بچیان دي".

* ''د سوریې جګړه کې دوه زره افغانان وژل شوي''

* ایران دې د جګړې لپاره د "افغان ماشومانو ګومارلو لړۍ ودروي"

نوموړي دا هم وویل، چې د ترلاسه کړو رپوټونو له مخې وايي، چې د فاطمیون لېوا افغان وسلوال تر نورو ډېر مقاومت او پایښت لري.

فاطمیون لېوا پر ۱۳۹۴ کال د ایران او عراق د حګړې د مهال د ابوذر لېوا او افغانستان کې د ایران د سپاه په واک کې مجاهدینو جوړه شوه.

کیهان ورځپاڼه د فاطمیون لېوا جوړېدل په داو طلب ډول بولي چې د سپاه محمد په نوم بلل شوې ده.

دا ډله د ایران او عراق جګړه کې جنګېدلی او په ۱۹۹۰ لسیزه کې د افغان طالبانو پر ضد د جګړې لپاره افغانستان ته سنته شوې، خو وروسته له منځه لاړه.

د انځور حقوق Tasnim
Image caption دا تصویر د تېر کال د لیدنې دی.

د منځني ختیخ د مطالعاتو مرکز د کیهان ورځپاڼې له مخې وايي، د نوي افغان حکومت او د امریکا په مشرۍ د ایتلافي ملاتړو د تعقیب له وېرې دا ډله له منځه لاړه.

د دې ډلې وسلوال وروسته د ایران مشهد کې سره ټول شول او د علي رضا توسلي په مشرۍ د سوریې پلازمېنه دمشق کې "د بي بي زینب زیارت د دفاع" لپاره ولېږل شول.

دا لومړی ځل نه دی چې ښاغلی خامنه يي د فاطمیون لېوا د وژل شویو وسلوالو له کورنیو سره ویني.

نوموړي د تېر کال نوروز کې هم ورته لیدنه درلوده: بنده له پخوا د افغانستان هزاره وروڼه ستایل، ځکه چې له نږدې مې لیدلي و، طالبان یې زموږ سره نږدې و او له پخوا ور سره اشنا وم. ډېرې افغانستانۍ کورنۍ ایران ته راغلې او انقلاب او سپېڅلې دفاع کې یې زموږ ملاتړ وکړ.

ورته مطالب