'لس میلیونه افغانان لیک لوست نه شي کولای'

افغانستان د انځور حقوق Getty Images

د افغانستان پوهنې وزارت چارواکي وايي، دغه هېواد کې نژدې لس میلیونه کسان لیک لوست نه شي کولای، چې عمرونه یې له ۱۵ کلنۍ پورته دي او د هر کال له تېرېدو سره دا شمېر ډېرېږي.

په دغه وزارت کې د لیک لوست زده کړې څانګې مرستیال سردار محمد رحیمي بي بي سي ته وویل، تېرو ۱۸ کلونو کې نژدې شپږ میلیونه کسانو د لیک لوست زده کړې پروګرامونو کې ګډون کړی دی.

د افغانستان احصایې مرکزې ادارې په روان کال کې د افغانستان نفوس ۳۲ میلیونه اټکل کړی دی چې ۴۸ سلنه یې له ۱۵ کلنۍ کم عمره دي.

"۱۷ کاله استاد وم، خو لیک لوست مې نشو کولی"

افغان ښوونځیو کې کیفیت د کمیت قرباني دی؟

افغان ښوونځیو کې د زدکوونکو د ویښتانو پر خرېیلو بندیز ولګېد

بل لور ته نن افغان چارواکو د یوه داسې پروګرام اعلان وکړ چې په رضاکارانه توګه به یې ګډونوال خلک لیک لوست ته هڅوي.

د پروګرام ګډونوالو ته د زده کړې یا سواد کاروان نوم ورکړل شوی دی.

د ښاغلي رحیمي په خبره شمېرې ښيي چې په ۱۴ ولاتیونو کې د لیک لوست کچه په نسبي ډول ښه ده، خو په ۲۰ نورو ولایتونو کې د لیک لوست برخه کې ډېرې ستونزې لا هم شته.

د انځور حقوق VPO2
Image caption چارواکي وايي، غواړي تر ۲۰۳۰ کال پورې د لوستو افغانانو شمېر ۷۰ سلنې ته ورسېږي

نوموړی وايي، حکومت هڅه کوي د ۲۰۳۰ کال له رارسېدو مخکې په ټول هېواد کې د لوستو کسانو شمېر ۷۰ سلنې ته ورسېږي.

بل لور ته د کډوالو چارو وزیر حسین عالمي بلخي وايي، له ۲۰۰۲ کال راهیسې نژدې ۱۰ میلیونه کډوال هېواد ته ستانه شوي دي چې په وینا یې ځینو یې د کډوالۍ پر مهال یې د لیک لوست زده کړې ته لاسرسی نه درلود.

اړونده مطالب