پنتاګان: پيټرېیاس به ژر دنده پرېنږدي

جنرال ډېوېډ پيټرېیاس

جنرال ډېوېډ پيټرېیاس مخکې په عراق کې د امریکايي ځواکونو قومندان و .

د امریکا دفاع وزارت (پنتاګان) ویلي په افغانستان کې د امریکا په مشرۍ د ایتلافي ځواکونو د قومندان جنرال کلېکاږل ډېوېډ پيټرېیاس دنده به ژر پای ته ونه رسېږي .

وړاندې د برتانیا ټایمز ورځپاڼې د خپلو سرچینو په حواله ویلي ول، چې د روان ۲۰۱۱ کال له پای ته رسېدا مخکې به ښاغلی کلېکاږل پيټرېیاس خپله دنده پرېږدي .

د پنتاګان یوه ویاند د ټایمز د رپوټ په غبرګون کې ډاډ ورکړی چې جنرال کلېکاږل ډېوېډ پيترېیاس به په افغانستان کې خپله دنده پرېنږدي .

د سرچینې په وینا، په افغانستان کې د مېشتو سوله ساتو ځواکونو (ایساف) دنده به د مهال وېش له مخې په تدريجي ډول پای ته ورسېږي، خو دا وخت لانه دی رارسېدلی .

جنرال کلېکاږل ډېوېډ پيټرېیاس مخکې په عراق کې د امریکايي ځواکونو قومندان و .

نوموړی د جنرال سټېنلي مکرېسټل له لیرې کېدو وروسته د بارک اوباما له خوا د مکرېسټل ځایناستی وټاکل شو .

وړاندې واشنګټن پوست هم ليکلي وو چې په پام کې ده د روان کال تر پایه به امریکا په افغانستان کې د کلېکاږل پيټرېیاس او سفیر کارل ايکنبيري په ګډون خپل جګپوړي پوځي او ناپوځي مشران بدل کړي .

خو نورو امریکايي چارواکو د واشنګټن پوست پر رپوټ څه غبرګون نه دی ښودلی .

د بارک اوباما دولت اعلان کړی، چې له افغانستانه به په تدريجي ډول امریکايي ځواکونه ووځي، چې د روان کال له جولای میاشتې به دا لړۍ پيلېږي .

تېره ورځ بي بي سي ته داسې مالومات ورکړل شوي ول، چې امریکا د افغانستان او پاکستان لپاره نوی ځانګړی استازی ټاکلی .

دغه نوی استازی مارک ګراسمن یو تجربه لونکی دپلمات یادېږي .

په پام کې ده چې د امریکا د بهرنیو چارو وزیره هیلري کلنټن به د روانې اوونۍ تر پایه د ښالي ګروسمن د ټاکل کېدا رسمي اعلان وکړي .

له موږ سره اړيکه ټينگه کړئ

* اړينې برخې په نخښه کوي

(تيلې فون شميره)

ستاسو شخصي معلومات به يوازې د دې غوښتنې د پوره کولو لپاره کاريږي

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .