د مصر پخوانی ولسمشر حسن مبارک او زامن یې محاکمه کیږي

د انځور حقوق gb
Image caption د مصر پخوانی ولسمشر حسن مبارک، دوه زامن جمال، علا او میرمنه یې

د مصري چارواکو په وینا د مصر پخوانی ولسمشر حسن مبارک او دوه زامن به یې د اګیست د میاشتې په دریمه نیټه محاکمه شي.

حسن مبارک او زامن به یې هر یو جمال او علا دقاهرې په شمال کې د جرمونو په یوې محکمې محاکمه شي. پر دوی تور دې چې د ولسمشر حسن مبارک پرضد یې د پاڅون پرمهال په قصدي توګه مطاهره کوونکي وژلي دي.

دغه راز پر حسن مبارک او زامنو یې د اداري فساد، ځمکو او پر اسراییلو د ګازو د پلورولو له امله ګڼ تورونه لګول شوي دي. د لومړني تور د ثابتیدو په صورت کې احتمالي جزا د مرګ ده.

مخکې تر دې داسې شکونه څرګند شوي وو چې آیا حسن مبارک د روغتیا له پلوه محاکمه کولو ته چمتو دی او کنه؟

څو ورځې وړاندې روغتیايي کارپوهانو وویل حسن مبارک ناروغ دی او سفر نه شي کولای. ډاکټران وايي حسن مبارک د زړه ناروغي لري او کمزوری دی.

ورته مطالب