څېړنه: سګرټي ښځې تر نارينه وو زياتې د زړه په ناروغۍ اخته کېږي

سګرټ د انځور حقوق Reuters
Image caption څیړنه وايي د ښځو لپاره دغه خطر لږ ترلږه ۲۵ سلنه زیات دی.

یوه علمي څیړنه وايي هغه ښځې چې سګریټ څکوي څوځلې يې د دې خطر ډیر دی چې د نارینه و په پرتله ژر د زړه په ناروغۍ اخته شي.

دا څیړنه په امریکا کې د میشتو ساینس پوهانو له خوا د سینګاپور، ناروې او ترکیې په ګډون په یو شمیر هیوادونو کې ترسره شوې ده.

په څیړنه کې دا نه دي ویل شوي چې ولې په ښځو کې د زړه په ناروغۍ د اخته کیدو احتمال ډیر دی، خو وايي ښايي ښځې د نارینه و په پرتله د سګرټو ډیر کیمیاوي زهري مواد جذب کړي.

څېړنه وايي ښايي همدا لامل وي چې ښځې د نارینو په پرتله د سږو په سرطان هم ډیرې اخته کیږي.

د بي بي سي د روغتیايي چارو خبریال ادم بریم لو په دې هکله په خپل راپور کې وايي له ډیرې مودې راهیسې دا روښانه وه چې د سګرټو د څکولو له امله د زړه ناروغي پیدا کیږي.

خو دا څیړنه چې پر نژدې دوه نیم میليونو کسانو شوې دا جوتوي چې د نارینو په پرتله ښځې ډیرې د سګرټ څکولو له امله د زړه په ناروغۍ اخته کیږي.

څیړنه وايي د ښځو لپاره دغه خطر لږ ترلږه ۲۵ سلنه زیات دی.

ورته مطالب