سپنتا: د طالبانو پرځای له پاکستان سره خبرې وکړﺉ

سپنتا

ښاغلي سپنتا وویل افغانستان مخامخ د پاکستان له استخباراتي او پوځي ادارو سره په جګړه دی او باید له هغوی سره دا ستونزه هواره کړي.

افغان حکومت وايي له طالبانو سره د سولې خبرې بې معنی دي او باید مخامخ له پاکستان سره خبرې وشي چې طالبان خپلو سیاسي موخو ته د رسېدو لپاره د وسیلې په توګه کاروي او د هغوی سنبالوونکی دی.

د ولسمشر د ملي امنیت سلاکار ډاکټر رنګین دادفرسپنتا پر اسلام اباد د یو لړ نورو تندو نیوکو ترڅنګ دغه هېواد د نړیوالې ترهګرۍ د تولید اصلي ځاله وبلله.

ښاغلي سپنتا وویل افغانستان مخامخ د پاکستان له استخباراتي او پوځي ادارو سره په جګړه دی او باید له هغوی سره دا ستونزه هواره کړي.

ښاغلي سپنتا دا هم ومنله چې ایران هم کله ناکله د طالب اورپکو ملا تړي، خو د ایران مرستې د ده په ټکو د پاکستان په څېر سیستماتیکې نه دي.

پر پاکستان د افغان نیوکو دغه نوې لړۍ د تېرې ورځې په هغې غونډې کې پيل وشوه، چې ولسمشر له طالبانو سره د سولې د خبرو د څرنګوالي په تړاو په ارګ ته بللې وه.

غونډې ته د ځینو لوړ پوړو چارواکو ترڅنګ یوشمېر پخواني جهادي سټي او سیاست وال هم ورغوښتل شوي وو.

د ولسمشر د ملي امنیت سلاکار ډاکټر رنګین دادفر سپنتا هم د غونډې یو ګډونوال و.

نوموړی زموږ همکار جعفر هاند ته د یوې مرکې په سر کې په دې غږېږي چې ولي د طالبانو پر ځای باید له پاکستان سره خبرې وشي؟

که په دې باب تبصره کوﺉ، لطفاً کلېکاږل بي بي سي پښتو فېسبوک پاڼې ته ورشئ.

له موږ سره اړيکه ټينگه کړئ

* اړينې برخې په نخښه کوي

(تيلې فون شميره)

ستاسو شخصي معلومات به يوازې د دې غوښتنې د پوره کولو لپاره کاريږي

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .