د فاریاب ځانمرګي دوه زده کوونکي ووژل

فاریاب
Image caption تر اوسه هېڅ يوې ډلې د بريد پړه نه ده منلې.

د افغانستان په شمال لوېديځ کې چارواکي وايي چې د فارياب د ملي امنيت رییس سید احمد سادات له خپلو څلورو ساتونکو سره ټپي شوی دی.

دغه ځانمرګی بريد په مرکز ميمنه کې شوی چې له امله يې د ښوونځي دوه زده کوونکي وژل شوي.

ځايي چارواکي وايي د بريد نښه د فارياب د ملي امنيت مشر وو

تر اوسه هېڅ يوې ډلې د بريد پړه نه ده منلې.

برید کوونکي د ملي امنیت د رییس ګاډي ته څېرمه ځان چوولی دی.

وسله والو طالبانو په دې وروستیو کې ځانمرګي بریدونه ډېر کړي دي.

تر ټولو تازه پېښه د پکتیا په مرکز ګردېز ښار کې وه، چې د والي د وژلو په نیت درې ځانمرګي برید کوونکي د ښاروالۍ ودانې ته تر ننوتلو وړاندې په ډزو ووژل شول.

د پکتیا چارواکو وویل، چې د برید موخه د والي وژل وو.

تر هغه یوه ورځ وړاندې بیا پنجشېر ولایت کې د ولايتي بیارغاونې ډلې پر مرکز ډله يي ځانمرګی برید وشو، چې په ترڅ کې یې یو ولسي وګړی او څلور برید کوونکي ووژل شول.

ورته مطالب