ناټو په بګرام کې قرآن ته په 'سپکاوي' بښنه وغوښته

په افغانستان کې د ناټو عمومي قومندان جنرال الن ویلي، په بګرام کې یې د ناټو ځواکونو له خوا د قرآن کریم په ګډون د ځينو اسلامي مذهبي کتابونو د غورځولو او سپکاوي د پېښو پلټنه پیل کړې ده.

جنرال الن په یوه اعلامیه کې د افغانستان خلکو ته په وینا کې ویلي، په کابل کې د ناټو ځواکونو له اډې څخه د دیني کتابونو د غورځولو کار سملاسي درول شوی، او دوی هڅه کوي چې دغه کتابونه په منظم ډول ترتیب کړي.

راپورونه وايي چې د بګرام په امریکايي هوايي اډه کې د تېرې سه شنبې پر ورځ (د حوت/کب ۲) سپکاوی شوی دی.

ددې په غبرګون کې د سه شنبې د کابل په شمال کې د بګرام هوايي اډې ته څېرمه خلکو لاریون وکړ.

کلېکاږل لاریون په انځورونو کې

په تېر کې هم د بهرنیو ځواکونو له لوري دې ته ورته اسلامي مقدساتو ته د سپکاوي په غبرګون کې تاوتریخجن لاریونونه شوي.

بګرام کې لاریون

لاریون کوونکو د ناټو ضد شعارونه ورکول.

په افغانستان کې د ناټو عمومي قومندان ویلي ''د افغانستان له ولسمشر، دولت او تر ټولو مهم، د افغانستان له شریفو خلکو بښنه غواړم.''

خپره شوې اعلامیه د جان الن په حواله وايي: ''موږ ددې پېښې په اړه په دقت سره پلټنه کوو او ډاډ ورکوم چې دا ډول پېښې به په راتلونکې کې تکرار نه شي.''

جان الن داهم ویلي چې: ''زه تاسې د افغانستان خلکو ته دا ډاډ در کوم چې دا کار په قصدي ډول نه دی شوی.''

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .