افغان هوايي ډګرونو کې کنټرلوونکي ماشینونه نصب شوي

د خپريدو وخت: 06:16 گرینویچ - شنبه‬ 25 اگست 2012 - 04 وږی 1391

د افغانستان د کورنیو چارو وزارت وايي، دغه ماشینونه د هوايي ډګرونو سربېره د هېواد په سرحدي بندرونو کې هم لګول شوي دي.

د افغانستان د کورنیو چارو وزارت وایي، د دغو ماشینونو په نصبولو سره پولیس توانېدلي، چې د جعلي اسنادو د کارونې کچه ټيټه کړي.

د افغانستان د کورنیو چارو وزارت ویاند مرستیال نجیب نېکزاد وايي، په تېرو شپږ مياشتو کې د دغو ماشینونو پر مټ د جعل کارانو ترڅنګ لسګونه جعلي اسناد او پاسپورتونه کشف او نیولي دي.

ښاغلي نجيب زياته کړه د شپږو میاشتو په موده کې د دغو ماشینونو په مرسته څو تنه بهرنیان هم نیول شوي، چې غوښتل يي د افغاني جعلي پاسپورټونو په مرسته له دغه هېواده بهر لاړ شي.

افغان چارواکو د دغه پروګرام د لګښت په اړه معلومات ورنه کړل، خو ويي ویل، چې د دغو ماشینونو نصبېدل، د افغان ملي پولیسو د سمبالولو په موخه د نړیوالې ټولنې د مرستو یوه برخه ده.

د افغانستان د کورنیو چارو وزارت وايي، دغه ماشینونه د هوايي ډګرونو سربېره د هېواد په سرحدي بندرونو کې هم لګول شوي دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .