هرات کې ځانمرګي برید پنځه افغانان ووژل

د خپريدو وخت: 12:42 گرینویچ - سه شنبه 11 سپتمبر 2012 - 21 وږی 1391
هرات

که څه هم د افغانستان په لوېديځ کې هرات ولایت د نورو ولایتونو په پرتله ډېر نارامه نه و، خو ځینې وخت ترې د چاودنو او ناامنیو خبرونه ورکول کېږي.

د افغانستان لوېديځ ولایت هرات کې په یوه قومي غونډه ځانمرګي برید د یوه قومي مشر په ګډون پنځه ولسي وګړي وژلي دي.

برید د کشک کهنه بازار په یوه دوکان کې شوی دی.

د هراتد پولیسو یوه قومندان عبدالحمید حمیدي وايي، برید په کشک کهنه ولسوالۍ کې شوی.

ښاغلی حمیدي زیاتوي، چې په پېښه کې ټول وژل شوي ولسي افغانان دي:

''یو ځانوژونکی د کشک کهنه بازار په یوه دوکان کې ځان وچاوه، پنځه کسان یې ووژل او شپږ نور یې ټپیان کړل. ټول وژل شوي او ټپیان ولسي وګړي دي.''

ددغه امنیتي چارواکي په وینا، په وژل شوو کې یو سیمه ییز نفوذ لرونکی قومي مشر هم دی، چې په سیمه کې یې د امنیت په راوستلو کې هلې ځلې کولې.

تر اوسه ددې چاودنې پړه چا نه ده منلې.

که څه هم د افغانستان په لوېديځ کې هرات ولایت د نورو ولایتونو په پرتله ډېر نارامه نه و، خو ځینې وخت ترې د چاودنو او ناامنیو خبرونه ورکول کېږي.

د تېر اسد/زمري پر ۲۵مه هم د هرات په ښار کې یوه ځانمرګي برید لږترلږه اوولس ولسي وګړي او یو پولیس ټپیان کړل.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .