ننگرهار او پکتيا کې سوله ييزې مظاهرې وشوې

د خپريدو وخت: 12:29 گرینویچ - جمعه 14 سپتمبر 2012 - 24 وږی 1391

د اسلام ضد فلم خلاف مظاهرې په ويديو کې

د افغانستان په ننگرهار او پکتيا ولايتونو کې د هغه فلم پر ضد سوله ييزې مظاهرې وشوې چې د اسلام ضد بلل شوى دى، دلته د ننگرهار او کابل د مظاهرو ويديو وينئ

ليدلmp4

تاسو د فلش پروگرام سمه بڼه نه لرئ

په يو بل غږونکي کې يې وغږوئ

تر ٢٠٠٠ زياتو کسانو د جمعې په ورځ(سپتمبر/ ١٤) د هغه فلم د خپراوي په غبرګون کې د افغانستان په ننګرهار او پکتيا ولايتونو کې په لاريونونو لاس پورې کړ چې د ادعاو له مخې د اسلام پېغمبر حضرت محمد(ص) ته په کې سپکاوى شوى دى.

لاريون کوونکي چې د جمعې تر لمانځه وروسته د جلال اباد تورخم د لويې لارې په اوږدو کې په مارکو نومي سيمه، او د پکتيا په احمد خېلو ولسوالۍ کې راټول شوي وو د هغه فلم پر وړاندې خپل غبرګون ښوده چې اسلامي مقدساتو ته په سپکاوي تورن دى.

افغان مظاهره کوونکو پر ولسمشر اوباما، امريکايانو او هغه چا د مرګ چيغې وهلې چې دغه فلم يې جوړ کړى دى.

د ننګرهار په مارکو سيمه کې را ټولو شويو لاريون کوونکو د اوباما او د فلم خپرونکي جوړې کړې نانځکې او د امريکا بېرغ ته اور واچوۀ.

دوې له ا فغانستان نه دامريکايانو د ژر تر ژره وتلو او له اسلامي نړۍ نه له امريکايانو سره دپلوماتيکې اړيکو د پرېکولو غوښتنه کوله.

لاريون کوونکو نژدې يو ساعت د تورخم جلال اباد لويه لاره د ترافيکو پر مخ تړلې وه.

پوليسو کلک امنيتي تدابير نيولي وو او لاريونونه له کوم تاوتريخوالي پرته پاى ته ورسېدل.

دغه فلم چې د ادعاو له مخې د اسلام پېغمبر حضرت محمد (ص) ته په کې سپکاوى شوى تر خپرېدو وروسته په مصر او ليبيا کې هم پراخ غبرګونونه ر اوپارول.

په مصر کې د جمعې په ورځ پوليسو تر هغه وروسته اوښکې بهوونکي غاز پر مظاهره کوونکو وشيندل چې د امريکا سفارت ته يې د رسېدا هڅه کوله.

لاريون کوونکو نژدې يو ساعت د تورخم جلال اباد لويه لاره د ترافيکو پر مخ تړلې وه.

ولسمشر مرسي پر مظاهره کوونکو غږ وکړ چې پر سفارتونو چپاو و نه کړي.

په مصر کې اخوان المسلمين گوند د دغه فلم پر ضد د هېواد په لر و بر کې د لاريونونو کړې غوښتنه بېرته واخيسته.

اخوان المسلمين وايي دوى يوازې سمبوليک اعتراض غوره بولي.

په افغانستان کې چارواکي د عربي نړۍ تر مظاهرو وروسته اندېښمن وو چې له تاوتريخوالي ډکو لاريونونو سره مخامخ نه شي.

په تېرو کلونو کې د ورته پېښو له امله پاروليو مظاهرو گڼ شمېر افغانان وژلي وو.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .