هلمند کې چاودنې ۱‍۲ ولسي وګړي وژلي

د خپريدو وخت: 08:36 گرینویچ - شنبه‬ 15 سپتمبر 2012 - 25 وږی 1391
هلمند

د پېښې په سیمه کې چاڼيز عملیات هم روان دي، چې ښايي د دولت ضد مخالفینو حکومتي ځواکونو ته دا ماین خښ کړی وي.

د افغانستان سوېلي ولایت هلمند سیمه ییز چاراوکي وايي د ولسي وګړو د سپرلۍ یو ګاډي پرماین ختلی چې ۱۲ ولسي وګړي یې وژلي دي.

د هلمند د والي دفتر په یوه خپره کړې ویناپاڼه کې ویلي، چې پېښه د تېرې جمعې په ورځ (دسمبر ۱۴) ماسپښین شاوخوا دوه بجې د ګرشک ولسوالۍ په ګوبند سیمه کې شوې ده.

خبرپاڼه وايي، چې په وژل شوو کې چې په یوه تونس ګاډي کې سپاره وو، د یوې کورنۍ شپږ کړي او د بلې هم شپږ غړي وژل شوي دي.

په وژل شوو کې د یوې کورنۍ څلور نجونې، یوه مېرمن او یو هلک او د بلې کورنۍ دوه نجونې، دوه هلکان، یوه مېرمن او یو زلمی شامل دي.

د پېښې په سیمه کې چاڼيز عملیات هم روان دي، چې ښايي د دولت ضد مخالفینو حکومتي ځواکونو ته دا ماین خښ کړی وي.

خبرپاڼه وايي، چې په سیمه کې چاڼیز عملیات وشول، همدا وجه وه چې دغو کورنیو د عملیاتو له سیمې ځانونه خوندي ځایونو ته لېږدول، چې ماین پرې وچاودېد.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .