کندهار کې بمي چاودنې مرګ ژوبله اړولې

د خپريدو وخت: 05:24 گرینویچ - پنجشنبه 20 سپتمبر 2012 - 30 وږی 1391

بم په زرنج موټرسایکل کې نصب و چې د ریموټ کنټرول په وسیله چاودنه ورکړل شوه.

په کندهار کې چارواکي وايي بیګا شپه شاوخوا اته بجې د دغه ښار د څوارلسمې امنیتي حوزې په سیمه کې یوه چاودنه شوې چې په کې د یوه ماشوم په ګډون ۳ تنه وژل شوي او شپږ تنه نور ټپیان دي.

د کندهار د والي ویاند جاوید فیصل په وینا چاودنه د یوه ریموټ کنټرول بم په وسیله د پولیسو په رینجر ګاډي شوې ده.

د نوموړي په خبره بم په زرنج موټر سایکل کې نصب کړل شوی و.

د کندهار د عامي روغتیا رییس ډاکټر قیوم پخلا هم د بي بي سي خبریال ته تایید کړه چې د پېښې له ځایه شپږ تنه ټپیان او درې مړي روغتون ته وروړل شوي دي.

بل لور ته کندهار ته په څېرمه هلمند ولایت کې یوه نامعلوم سړي د پولیسو په پوسته ډزې کړې، چې له کبله يي درې تنه پولیس وژل شوي دي.

چارواکي وايي برید ګر د پېښې له ځایه په تېښته بریالی شوی دی او دوی یي په اړه تحقیقات پیل کړي دي.

وسله والو طالبانو د دواړو پېښو مسوولیت منلی او ویلي يې دي، چې په هلمند کې يي د پولیسو یو قوماندان او په کندهار کې يې پنځه تنه پولیس وژلي دي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .