په هوايي بریدونو کې وسله والو ته مرګ ژوبله اوښتې

د خپريدو وخت: 10:01 گرینویچ - جمعه 28 سپتمبر 2012 - 07 تله 1391
helmand

دغه وسلوال هغه مهال په نښه شوو چې له یوې سیمې نه بلې ته روان وو.

په هلمند کې ځايي چارواکې وایی چې تېره شپه (پنجشنبه ) شاوخوا ۱۱ بجې د دغه ولایت په نادعلي ولسوالۍ کې د ناټو په یوه هوایی برید کې څلور وسلوال طالبان وژل شوي دي.

د دغه ولایت د پولیسو یوویاند فرید احمد فرهنګ وایي، چې دغه وسلوال هغه مهال په نښه شوو چې له یوې سیمې نه بلې ته روان وو.

بل لور ته د کندهارولایت چارواکي وایي، چې د ناټو په دوو جلا بریدونو کې د دوو قومندانانو په ګډون درې تنه وسلوال طالبان وژل شوي او یوشمېر نور ټپیان شوي دي.

لومړۍ پېښه نن د جمعې په سهار شپږ بجې د پنجوايي ولسوالۍ په موشان سيمه کي هغه مهال رامنځته شوه چې یو وسلوال طالب قومندان او ملګری یي د ايساف ځواکونو په هوايي بريد کې په نښه او ووژل شوو.

دایساف ځواکونو په یوه بل هوایي برید کې د حافظ طیب په نوم یوطالب قومندان له خپل یوه ملګري سره وژل شوی اودوه نور ملګري یی ټپیان شوي دي.

دغه برید نن د دغه ولایت په معروف ولسوالۍ کې شوی.

بل خوا د کندهار دوالي ویندوی جاوید فیصل وایي چې نن سهار افغان سرحدې پولیسو د دغه ولایت په معروف ولسوالۍ کې یوطالب قومندان نیولی دی.

د فیصل په خبره، دغه طالب قومندان چې په چادرې که یي ځان پټ کړی و د پولیسو له خوا نیول شوی دی.

بل لورته د وسله والوطالبانو یو ویندوی قاری یوسف احمدي وایي چې تېره شپه یی دهلمند په نادعلي ولسوالۍ کې پر څلورو امنیتي پوستو برید کړې، چې د ده په خبره افغان پولیسو ته یي په کې د سرزیان اړولی.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .