'د لوحې تر لیرې کېدا به ټولګیو ته ولاړ نه شو'

د خپريدو وخت: 10:17 گرینویچ - شنبه‬ 06 اکتوبر 2012 - 15 تله 1391

'د لوحې تر لیرې کېدا به ټولګیو ته ولاړ نه شو'

د کابل ښوونې او روزنې پوهنتون محصلینو یوځل بیا د پوهنتون د لوحې پر لیرې کېدا ټینګار وکړ. دوی وايي تر هغه چې نوې لوحه نه وي لیرې شوې، ټولیګو ته به ولاړ نه شي.

ليدلmp4

تاسو د فلش پروگرام سمه بڼه نه لرئ

په يو بل غږونکي کې يې وغږوئ

د کلکو امنیتي تدبیرونو په ترڅ کې یو ځل بیا د کابل د ښوونې او روزنې پوهنتون لسګونو محصلینو چې نجونې هم په کې شاملې وې، د دې پوهنتون په دروازه کې اعتراضي غونډه وکړه.

دوی له خبري رسنیو سره د خبرو په ترڅ کې یو ځل بیا پر خپلې پخوانۍ غوښتنې چې هغه د پوهنتون نوم پخپل ځای پریښودل دي، ټینګار وکړ.

ددغه پوهنتون یوه محصلی هادي صالح وویل:

''موږ د ښاغلي ولسمشر او نورو اړونده ارګانونو په وړاندې غږ پورته کوو، چې له دې لوحې سره مخالف یو، دا لوحه نه منو ځکه دا په تاریخ کې د یو ناسم څه رواجول دي او د نسلونو ترمنځ جدايي رامنځ ته کوي که زموږ غوښتنه ونه منل شي، نو موږ ملت یو واټونو ته به راووځو.''

درې اوونۍ وړاندې د ولسمشر حامد کرزي د یوه فرمان او د وزیرانو شورا د پرېکړې له مخې د کابل د ښوونې او روزنې پوهنتون نوم د سولې د عايی شورا د پخواني مشر برهان الدین رباني په نوم بدل شو.

تېره اوونۍ د محصلینو استازو له ولسمشر حامد کرزي او له هغه وروسته د رباني له زوی او د سولې د عالي شورا له اوسني مشر صلاح الدین رباني سره وکتل.

ددغو محصلینو له ډلې یو هم نصیب الله ذکي و هغه وايي ولسمشر ورسره ژمنه وکړه چې په دې اړه به له صلاح الدین رباني سره خبرې وکړي او ډېر ژر به خپله وروستۍ پرېکړه وکړي.

د کابل د ښوونې او روزنې پوهنتون د نوم د بدلولو له امله د محصلینو د اعتراض له پیله نژدې درې اوونۍ تېرېږي.

دوی وايي په دغه موده کې د دوی په زده کړو کې خنډ او ځنډ رامنځ ته شوي او تصمیم لري تر هغه به خپلو درسي خونو ته لاړ نه شي چې د پوهنتون د نوم نوې لوحه لیرې او د پوهنتون نوم پخپل ځای پاتې شي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .