حامد کرزي د څلورو پوونده ماشومانو وژنه کلکه وغندله

د خپريدو وخت: 10:50 گرینویچ - سه شنبه 23 اکتوبر 2012 - 02 لړم 1391
حامد کرزی

حامد کرزي د ناټو دغه عملیات او په درشل کې یې د ولسي افغانانو د ورکېدل په سختو ټکو غندلي دي.

د افغانستان ولسمشر حامد کرزي په لوګر ولایت کې د عملیاتو پرمهال د څلورو پوونده ماشومانو وژنه په کلکو ټکو غندلې ده.

له ارګه خپره شوې ویناپاڼه وايي، ولسمشر کرزي د لوګر په برکي برک ولسوالۍ کې د ناټو په عملیاتو کې د وسله والو مخالفانو د لټون پرمهال وژلي دي.

دا خبره د لوګر والي محمد اقبال عزیزي هم تایید کړې ده.

پېښه د تېرې یکشنبې (اکتوبر ۲۱) په ورځ شوې ده.

حامد کرزي ویلي، چې ناټو ځواکونو څلور پوونده ماشومان د څارویو د پوولو پرمهال وژلي.

ولسمشر کرزي ویلي، ناټو له افغانستان سره د ولسي وګړو د خوندیتوب تړون لري.

زابل

بل خوا، له ولسمشرۍ بله ویناپاڼه وايي، چې په زابل ولایت کې د ناټو ځواکونو د عملیاتو پرمهال درې ولسي وګړي لاهم تری تم دي.

حامد کرزي د ناټو دغه عملیات او په درشل کې یې د ولسي افغانانو د ورکېدل په سختو ټکو غندلي دي.

د زابل والي مخکې ویلي وو، چې ناټو د شپنیو عملیاتو پرمهال څلور ولسي وګړي له ځانه سره بوتلل، چې ددرېیو څرک یې لاهم نه دی لګېدلی.

په تېره دوشنبه د زابل په مرکز کلات کې ددغه ولایت سلګونو اوسېدونکو د بهرنیو ځواکونو پر ضد یو سوله ییز لاریون وکړ.

لاریون کوونکو د کندهار –کابل لویه لاره د څو ساعتونو لپاره د ترافیک پرمخ تړلې وه، ادعا یې کوله چې بهرنیو ځواکونو دوه تنه ملکي وګړي بېولي او په خورا بې رحمۍ سره یې وژلي دي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .