زابل کې وسله والو ۶ سيمه ييز پوليس وژلي دي

د خپريدو وخت: 11:56 گرینویچ - پنجشنبه 01 نومبر 2012 - 11 لړم 1391
افغان پوليس

ښاغلی ناصري وایي د دوی پلټڼې ښيي چې دغه ۸ کسه لومړی مسموم او بیا په ډزو وژل شوي دي.

د افغانستان په سویلي ولايت زابل کې وسله والو طالبانو شپږ محلي پوليس او د هغوی د کورنۍ دوه غړي تر مسمومېدو وروسته وژلي دي.

د زابل د والي وياند شريف الله ناصري وايي دغه پیښه د شاه جوی ولسوالۍ د چينو سیمې د جمال خيلو په کلي کې رامنځته شوې ده.

ښاغلی ناصري وایي د دوی پلټڼې ښيي چې دغه ۸ کسه لومړی مسموم او بیا په ډزو وژل شوي دي.

که څه هم د والي وياند ونه ویل چې په دغه برید کې څو محلې پولیس ښکیل دي، خو زیاته یی کړه چې وسله والو د وژل شويوو پولیسو وسلې هم له ځانه سره وړي.

مخکې د زابل امنیه قومندان ویلي وو چې تیره شپه په شاجوی ولسوالۍ کې د وسلوالو په یوه برید کې یو ولسي وګړی او پنځه سیمه يیز پولیس وژل شوي دي.

امنيه قومندان دا خبره ونه منله چې دا برید دې د سيمه ييزو پولیسو د کوم ملګرې له خوا تر سره شوی وي.

وسله والو طالبانو د دغه بريد پړه منلې او ويلي يې دي چې دا بريد د دوی يوه ارتباطي پوليس کړی دی.

تر دې وړاندې هم د افغانستان په بېلا بېلو برخو کې د پوليسو د مسمومېدو او د هغوی د وژل کېدو راپورونه ورکړل شوي دي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .