نوموتی ولسي سندرغاړی خیر محمد خندان ومړ

د انځور حقوق Getty
Image caption خیر محمد خندان د پکتیا په څمکنیو ولسوالۍ کې زېږېدلی و

د پښتو ژبې نومیالی او تکړه ولسي سندرغاړی خیر محمد خندان د ۶۷ کلونو په عمر ومړ.

نوموړي تېره شپه د پېښور په یوه روغتون کې د ورپېښې ناروغۍ له کبله ساه ورکړه.

نوموړي په خپل ښکلي غږ او دولسي سندرو په ویلو د میلیونونو خلکو زړونو ته لار وکړه او په کوزه او بره پښتونخواه کې یې یو ډول شهرت لاره.

د ښاغلي خندان ولسي سندرې اوس هم په کوزه او بره پښتونخواه کې خورا ډېر مینه وال لري.

خیر محمد خندان د پکتیا په څمکنیو ولسوالۍ کې زېږېدلی و.

نوموړي د افغانستان ملي راډیو ټلویزیون لپاره هم ګڼې ولسي او حماسي سندرې ریکارډ کړي.

د نوموړي ځینې سندرې اوسنیو سندرغاړو له نوې موسیقۍ سره او په یوه بله بڼه هم ویلې دي.

د کوزې پښتونخواه نوموتی سندرغاړی زیک اپریدی او د افغانستان وتلی او ملي سندرغاړی فرهاد دریا هغه هنرمندان دي چې د خیر محمد خندان سندرې یې په نوې موسیقۍ او بېل طرز ویلي دي.

خیر محمد خندان ځینو بهرنیو هېوادونو ته هم سفرونه کړي او د خپل هنر ننداره یې وړاندې کړې.

ورته مطالب