سمنګانو کې د پستې راټولولو پر سر شخړه کې څلور کسان وژل شوي

د انځور حقوق AP
Image caption پسته د سمنګانو يو له مهمو مېوو دی

د سمنګانو ولايت چارواکي وايي د پستې راټولو پر سر شخړه کې څلور کسان وژل شوي او يو ټپي دی.

دغه پېښه د سمنګانو ولايت په ايبک ښار کې رامنځ ته شوې ده.

د سمنګانو والي وياند صديق عزيزي بي بي سي ته ويلي چې په دې شخړه کې د دوو قوماندانو وسله والو کسانو پر يو بل ډزې کړې دي.

ښاغلي عزيزي زياته کړه سيمه د امنيتي ځواکونو تر ولکې لاندې ده، تراوسه په دې تړاو څوک نه دي نيول شوي.

د سمنګانو د والي وياند وايي امنيتي ځواکونه په سيمه کې مېشت شوي او حالات يې تر کنټرول لاندې راوستي دي.

په سمنګانو ولايت کې په زرګونو جريبه ځکمه د پستې ځنګلونه لري، چې حاصل يې هر کال د خلکو له خوا بې له کومې قانوني اجازې راټولېږي.