کونړ کې چاودنې تر ۲۰ ډېر ولسي وګړي ټپیان کړي

د انځور حقوق f

د افغانستان ختیځ‌ کونړ ولایت مرکز اسد آباد کې درنه چاودنه شوې ده.‌

د کونړ د روغتون مشر وايي، تر اوسه دوی ته تر شلو ډېر ټپي شوي ولسي وګړي وروړل شوي دي.

په دغو ټپیانو کې د ۵ تنو روغتیايي وضعیت د اندېښنې وړ ښودل شوی. خو د کونړ د پولیسو مشر بیا د ټپیانو شمېر ۸ کسان ښيي.

په کونړ کې د بي بي سي خبریال وايي، چاودېدونکي توکي‌ ښار کې د برېښنا د مېټرو په یوه بکس کې ځای پرځای شوي.‌

تر اوسه روښانه نه ده، چې د چاودنې هدف څه و. تر دې دمه د دغې پېښې مسولیت چا پر غاړه نه دی اخیستی.

Image caption په کونړ کې د بي بي سي خبریال وايي، چاودېدونکي توکي‌ ښار کې د برېښنا د مېټرو په یوه بکس کې ځای پرځای شوي

د افغانستان په ختیځ کونړ ولایت کې د افغانستان امنیتي ځواکونو او مخالفو وسله والو ترمنځ په دا وروستیو کلونو کې خونړۍ نښتې رامنځ ته شوې دي.

سمنګان

د افغانستان د شمالي ولایت سمنگان د ایبک ښار په مرکز کې چاودنه شوې.

د دغه ولایت د والي ویاند صدیق عزیزي په وینا، په دې چاودنه کې د یوې میرمنې په ګډون پنځه تنه ټپیان شوي.

نوموړی وايي، چاودیدونکي توکي په یو موټر سایکل کې ځای پر ځای شوي وو او موخه يې له سیمې نه د پولیسو تېرېدونکی رنجر ګاډی و.

ټپیان د سمنګان ولایت مرکزي روغتون ته وړل شوي خو ویل کېږي، چې د ۳ تنو روغتیايي وضعیت نازک دی.

پولیس وايي، د پیښې په اړه يې پلټنه پیل کړې خو تر اوسه پورې په دې تړاو څوک نه دي نیول شوي.

ورته مطالب