کندهار کې دوه ماین پاکان وژل شوي

د انځور حقوق AFP

د افغانستان سوېلي کندهار ولایت د ميوند ولسوالۍ له عزيز کمپ سره نژدې د سټارلینک د مؤسسې پر ماين پاکوونکو په داسې حال کې برید شوی، چې په سيمه کې یې ښخ شوي ماينونه شنډول.

د کندهار د ميوند ولسوالۍ امنيه قوماندان سلطان محمد وايي، په دې وسله وال برید کې دوه ماين پاکوونکي وژل شوي او پنځه نور ټپيان دي.

خو د کندهار د والي ویاند په دغه برید کې د ماین پاکۍ د موسسې یوازې د دوو کارکونکو د وژل کېدو خبره کوي.

سیمه ییز چارواکي وایې، وسله والو د ماين پاکوونکو کاسټر ډوله موټر هم سوځولی دی.

د راپورونو له مخې افغان ځواکونو په سېمه کي عمليات پيل کړي، او وسله وال له سيمې تښتېدلي دي.

وسله والو تر اوسه په دې اړه لا څه نه دي ویلي.

ورته مطالب