ايټاليا افغانستان سره ۹۲ ميليون يورو مرسته کوي

د انځور حقوق epa

د ايټاليا د بهرنيو چارو وزير، پاولو جين ټيلوني، هرات ته په خپل سفر کې له افغانستان سره د ۹۲ ميليونه يورو مرستې اعلان وکړ.

ټاکل شوې چې د دغو مرستو يوه برخه به په هرات کې د اورګاډي د ليکې په جوړولو لگول کېږي.

د هرات والي، محمد اصف رحيمي، د ايټاليا د بهرنيو چارو له وزير سره په خبرو کې ويلي، چې پر ايران د اقتصادي بنديزونو له ليرې کېدو د هرات پر اقتصادي او ټرانزيتي اهميت کې زياتوالی راوستی او د ايتاليا مرستې په دغه برخه کې ډېرې مهمې دي.

نوموړی زياتوي دغه مرستې به د هرات د بنسټونو په پراختيا کې لويه ونډه ولري.

محمد اصف رحيمي وايي هيله من دی چې هرات به په راتلونکي کې د جنوبي اسيا او منځني ختيځ تر منځ د ټرانزيت لار وي.

د ايټاليا د بهرنيو چارو وزير وويل ايټاليا به له افغانستان سره خپلو مرستو او همکاريو ته دوام ورکوي.

ايټاليا له څو کلونو راهيسې د هرات ولايت د بيا رغونې په برخه کې مرسته کوي.

ورته مطالب