تورخم شخړه: پاکستان په اسلام اباد کې افغان سفیر احضار کړ

د انځور حقوق Getty

پاکستان په دغه هیواد کې د افغانستان سفیر حضرت عمر زاخېلوال نن چارشنبه د بهرنیو چارو وزارت ته غوښتی او د افغان ځواکونو په ډزو کې ددوی د یوه سرتېري جګړن علي جواد چنګېزي پر وژنه يې ورته سخت احتجاج ثبت کړی دی.

تردې وړاندې پر همدې شخړه افغانستان په کابل کې د پاکستان سفیر احضار کړی، خو لومړی پاکستان په دغه هیواد کې د سفارت چارسمبالی احضار کړی وو.

هلته پر تورخم دروازه نن چارشنبه په تازه نښته کې د پاکستاني ملېشه و دوه نور سرتېري ژوبل شوي دي. پاکستاني چارواکي وايي د چارشنبې په سهار یو ځل بیا په تورخم دروازه د پاکستانيو او افغان ځواکونو ترمنځ نښته شوې او په دغه څلورمه نښته کې يې دوه سرتېري ژوبل شوي دي.

د ډيورنډکرښې پر تورخم دروازې له تېرو څلورو ورځو راهیسې د دواړو هیوادونو ترمنځ حالات ترینګلي دي. په یاده دروازه لومړۍ نښته د تېري یکشنبې په ماښام هغه مهال پېل شوه چې پاکستاني سرتېرو هلته يوه دروازه لګوله.

افغانستان چې ډيورنډ کرښه يې لاهم د یوې نړيوالې پولې په توګه نه ده منلې، هلته د هر ډول تاسیساتو د جوړولو مخالف دی. تراوسه پورې دواړو غاړو ته په دې نښتو کې مرګ ژوبله اوښتې ده.

بلې خوا ته د پاکستان د بهرنیو چارو وزارت د یاد وزارت د سلاکار سرتاج عزیز له خولې رسنیو ته په لېږل شوې اعلاميې کې لیکلي، چې د پاکستان او افغانستان حکومتونه باید د تورخم دا شخړه د خبرو له لارې هواره کړي.

ځکه چې دده په خبره له داسې شخړو سره د دواړو هیوادونو ترمنځ پر دوستۍ بد اغېز پرېوتلی شي. دې اعلاميې مخکي لیکلي چې پاکستان چې خپلې غاړې ته يې تاسیسات جوړول په سیمه کې د سولې او ثبات د ټينګولو لپاره دي، چې د افغان غاړې لخوا يې بیا بیا مخه نیول کېږي.

د انځور حقوق BBCPashto
Image caption د تورخم دواړو غاړو ته سلګونه لارۍ او بار موټر ولاړ دي
د انځور حقوق BBCPashto
Image caption پاکستان هم تورخم کې خپل ځواکونه ډېر کړي
Image caption تراوسه پورې دواړو غاړو ته په دې نښتو کې مرګ ژوبله اوښتې ده.

په تورخم کې د پاکستاني لیویزو یوه چارواکي غنچه ګل بي بي سي ته ویلي د چارشنبې په سهار د پېشلمي په وخت د دواړو غاړو د امنيتي ځواکونو ترمنځ په ډزو کې د پاکستان د سرحدي ځواک دوه

سرتېري ژوبل شوي دي. د غنچه ګل په خبره تردې وړاندې د سې شنبې او چارشنبې په منځنۍ شپه هم له دواړو خواوو د یوه بل پرضد له سپکو او درنو وسلو سره بریدونه وکړل خو پکې کوم سرتېري ته زیان ونه رسېد.

د انځور حقوق AP
د انځور حقوق MOI

ورته مطالب