'د افغان سولې په اړه دې د اسلامي همکاریو سازمان پرېکړې عملي شي'

دا له نورو سره شریک کړئ Email دا له نورو سره شریک کړئ فېسبوک دا له نورو سره شریک کړئ ټوېټر دا له نورو سره شریک کړئ Whatsapp

Image copyright @OIC
Image caption دې ناستې ته د افغانستان د بهرنیو چارو مرستیال وزیر ډاکټر نصیر اندیشه هم ورغلی دی.

د اسلامي همکاریو سازمان، وايي، په تازه غونډه کې یې د افغانستان حکومت له خوا له وسله والو سره د مشروط اوربند او ټیکاو راتلو ملاتړ کړی او د افغانستان د سولې په اړه ددغه سازمان د مخکېنۍ غونډې د پرېکړو د عملي کېدو غوښتنه یې کړې.

د سپټمبر پر ۱۱مه (وږي ۲۰مه) د سعودي عربستان جده کې ددغه سازمان غونډې پیل کې د سازمان عمومي منشي ډاکټر یوسف بن احمد العثیمین د سازمان دایمي غړو ته وویل، د افغان سولې او ثبات ملاتړ کوي.

ده وویل، "د افغانستان په اړه د اسلامي همکاریو سازمان پرېکړې په دې هېواد کې د غړو هېوادونو له خوا د سولې، امنیت او ټیکاو راتلو لپاره ژمنتیا په ډاګه کوي".

د دغه سازمان سرمنشي ټینګار وکړ چې سعودي عربستان د اسلامي همکاریو سازمان د غړي هېواد افغانستان د سولې او ټیکاو لپاره پوره ملاتړ ته چمتو دی.

العثیمین زیاته کړه، "دا چې افغانستان کورنۍ جګړې او ناخوالو ډېر ځورولی، سعودي عربستان د ورور هېواد افغانستان د بېلابېلو ولسونو ترمنځ د اختلاف له منځه وړلو لپاره هر راز بشري او اقتصادي مرستې ته تیار دی."

د سعودي نړیوال کنفرانس افغانستان کې د تل پاتې ټیکاو پر راتلو ټینګار وکړ

سعودي کې افغان جګړه د شریعت له مخې ارزول کېږي

'طالب مشران حرمین ته د سولې خبرو لپاره راوغواړئ'

Sorry, this Twitter post is currently unavailable.

د اسلامي همکاریو سازمان وايي، دوی د خپل هر غړي هېواد سوکالي او ارامي غواړي، همدا ده چې د خوندي او ارام افغانستان لپاره د بهرنیو وزیرانو په استازیتوب پر ټولو غړو هېوادونو په دې هېواد کې د سولې راتلو کې د همکارۍ غږ کوي.

دغه سازمان وايي، د افغان حکومت له خوا له وسله والو مخالفانو سره اعلان شوی یو اړخیز اوربند د سولې د ټینګښت له بنسټونو ګڼل کېږي.

دې ناستې ته د افغانستان د بهرنیو چارو مرستیال وزیر ډاکټر نصیر اندیشه هم ورغلی دی.

افغانستان په ۱۹۶۹ کال د دغه سازمان غړی شو.

د روان کال تېره جولای میاشت کې سعودي عربستان د افغان سولې په اړه د اسلامي هېوادونو د همکاریو سازمان کوربه و.

په جده کې د افغانستان د سولې او جګړې په تړاو د اسلامي همکاریو سازمان غونډې ته د افغانستان د سولې عالي وړاندیز وکړ، چې افغانستان کې له ښکېلو غاړو د جګړې درولو او له وسله والو مخالفانو سره د مخامخ خبرو پیلېدو لپاره ګامونه واخلي.

Image copyright @OIC
Image caption د روان کال تېره جولای میاشت کې سعودي عربستان د افغان سولې په اړه د اسلامي هېوادونو د همکاریو سازمان کوربه و.

په دې غونډه کې د افغانستان او پاکستان په ګډون د ۳۳ هېوادونو علماوو ګډون کړی، چې د افغانستان د سولې عالي شورا په وينا غواړي د اسلامي شريعت له نظره په افغانستان کې روانه جګړه وارزوي.

طالبانو په تېرو ۱۷ کلونو کې په لومړي ځل سږ کال د تېر کوچني اختر په ورځو کې له دولت سره لنډمهالی اوربند وکړ.

دغې ډلې تل د افغانستان د دولت د سولې وړاندیزونه رد کړي او ویلي یې دي چې یوازې له امریکا سره خبرو ته چمتو ده، خو امریکا د بین الافغاني خبرو ملاتړ کړی دی.