ايما سټون د ۲۰۱۷ ډېر عاید لرونکې فیلمي لوبغاړې

د انځور حقوق Getty Images
Image caption ایما سټون په ۲۰۱۷ کال کې ۲۶ میلیونه ډالر عاید لرلی دی.

د امریکايي فیلمونو تکړه لوبغاړې ایما سټون په تېرو ۱۲ میاشتو کې د ۲۶ میلیون ډالرو عاید په لرلو سره په ۲۰۱۷کال کې د نړۍ تر ټولو ډېر عاید لرونکې هنرمنده ونومول شوه.

دې ۲۸ کلنې لوبغاړې په وروستیو کې په هالیووډ کې پر جنسي تبعیض نیوکه وکړه چې په ټوله کې یې په هالیووډ کې د ښځو او نرانو د معاشونو توپیر ته د خلکو پام ور واړاوه.

د هالیووډ فلمونو کې رول لوبول حماقت دی؟

'کابلي پټهان' فلم له کابلیووډ ‌نه تر هالیووډ او بالیووډه

له افغان مېرمنو د هالیووډ ستورو ملاتړ

جنبفر نیسټون

د امریکا د فوربس مجلې په سږنې خپاره کړي نوملړ کې دویمه ډېره عاید لرونکې هنرمنده جنبفر نیسټون نومول شوې چې په تېرو دولسو میاشتو کې یې د سوداګریزو اعلانونو له لارې ۲۵،۵ میلیونه ډالره عاید لرلی دی.

هغې ډېر عاید د سمارټ واټر، اوینو سینګار توکو او امارات هوايي شرکتونو ته د اعلانونو له لارې تر لاسه کړي دي.

. د انځور حقوق Reuters
Image caption جنیفر نېسټون د خپل عاید ډېره برخه پيسې له سوداګریزو اعلانونو تر لاسه کړي دي

جنیفر لارنس

جنیفر لارینس چې تېر دوه کلونه پرلپسې د دغه نوملړ په سر کې وه، سږ کال یې د ۲۴ میلیونو ډالرو عاید په لرلو سره د نوملړ درېیم ځای خپل کړی دی.

اغلې لارینس په ۲۰۱۶ کال کې د ۴۶ او په ۲۰۱۵ کال کې د ۵۲ میلیونو ډالرو عاید لرلي وو چې د یاد نوملړ په سر کې وه.

د انځور حقوق Reuters
Image caption اغلې لارینس تېره دوه کاله د فوربس مجلې د نوملړ په سر کې وه.

ایما واټسون

ایما واټسون لومړنۍ برتانوۍ فیلمي لوبغاړې ده چې د فوربس مجلې په خپاره کړي نوملړ کې پر شپږم ځای راغلې ده.

نوموړې په (دېو او جانان) فیلم کې د رول لوبولو له لارې ۱۴ میلیون ډالره عاید لرلی دی.

د انځور حقوق Getty Images
Image caption ایما واټسون په تېرو ۱۲ میاشتو کې ۱۴ میلیونه ډالر عاید تر لاسه کړی دی

اړونده مطالب

ورته مطالب