تهران کې۲۳۰ کسان د یلدا شپې د لمانځلو پر مهال نیول شوي

گشت ارشاد د انځور حقوق iSna
Image caption پولیسو د (یلدا) شپې په موخه راټول شوي ځوانان نیولي

د تهران د پولیسو مسوول وایي دوی په دوو بېلو مېلمستیاوو کې چې د یلدا شپې په موخه وې د ۲۳۰ شاوخوا کسان نیولي دي.

د ځایي پولیسو یو مشر وایي، دغه کسان له ځینو مخدره موادو سره نیول شوي، د دوی په منځ کې ځینې سندرغاړي هم وو او پولیس پرې له هغه وروسته خبر شول چې دا مېلمستیاوې یې په ژوندۍ بڼه په انسټاګرام خپرولې.

د ایران پولیس ډېری وختونه د خلکو د راغونډېدو ځای ته د شک په سترګه ګوري، په ځانګړې ډول هغه خلک چې د شرابو څښلو، نارینه او ښځې ګډ سره راغونډ وي او یا داسې نورو پیښو پر وړاندې غبرګون کې کسان نیسي او سزا ورکول کېږي.

پولیسو د (یلدا) د شپې مېلمستیاو نیول شوي ځوانې نجونې او هلکان ښودلي، وایي چې د الکولو د څښلو، نڅا او په ګډو مېلمستاوو کې له ګډون وروسته یې نیولي دي.

د اسلامي قانون له مخې د الکولي مشروباتو څښل په دې هېواد کې ۸۰ درې جزا لري.

دا ۲۳۰ کسان په داسې حال کې نیول کېږي چې تېره اوونۍ د ایران ولسمشر حسن روحاني په یوه غونډه کې ویل چې "د خلکو په شخصي ژوند کې باید مداخله ونه شي".

یلدا شپه په افغانستان، ایران او تاجکستان کې ځینې کسان د کال د تر ټولو اوږدې شپې او یا هم د ژمي د څلې د پیل د شپې په نامه لمانځلي. ملګري او کورنۍ پکې راټولېږي، وچې او لمدې میوې خوړل کېږي او شپه په شاعرۍ او کیسو سبا کوي.

ورته مطالب