راشد خان په ای پي اېل کې بل ریکارډ جوړ کړ

د انځور حقوق Getty Images
Image caption راشد خان د شل اوریزو لوبو تر ټولو غوره توپ اچوونکی دی.

افغان ورو توپ اچوونکي راشد خان په روانو ای پي اېل لوبو کې د ممبۍ انډینز لوبډلې پر خلاف په څلورو اورونو کې ۱۸ توپونه داسې واچول چې منډې پرې جوړې نه شوې.

۱۸ تر ټولو ډېر توپونه دي چې منډې نه دي پرې شوې، دا یو له پخواني ریکارډ سره برابر دی.

په دې مانا چې په ۲۴ توپونو کې چې ده اچولي، یوازې ۶ وهل شوي، نور ټول بې منډو پاتې دي.

دی په دې لوبه کې غوره لوبغاړی هم وټاکل شو.

له دې مخکې هندي ورو بالر اشوین دغه ریکارډ جوړ کړی و، چې اوس راشد برابر کړ.

راشد په دې لوبه کې په څلورو اورونو کې ۱۳ منډې ورکړې او یوه ویکټه یې واخیستله.

نوموړی دوه ورځې مخکې په یوه نړیواله ډلبندۍ کې د شل اوریزو لوبو غوره نوی توپ اچوونکی نومول شوی و.

راشد خان په یوه ورځنیو لوبو کې تر ټولو ژر ۱۰۰ ویکتې اخیستونکی دی.