د کلیفورنیا نارنجي رنګه اسمان؛ 'ګومان مو کاوه نور د نړۍ پای دی'

د سان فرانسیسکو تیاره اسمان د کلیفورنیا د ځنګلي اور له کبله سوربخن شوی و

د عکس سرچینه، Reuters

د عکس تشریح،

د سان فرانسیسکو تیاره اسمان د کلیفورنیا د ځنګلي اور له کبله سوربخن شوی و

د امریکا کلیفورنیا ایالت کې د ځنګلي اور له کبله لوګیو د سن فرانسیسکو اسمان نارنجي رنګه کړی و.

د کلیفورنیا اوروژنې ته کابو ۱۴ زره اوروژونکي ګومارل شوي دي.

دا اور کابو ۲۸ میلیون هیکټاره ځمکې ته خپور شوی چې لږترلږه اته کسان پکې وژل شوي.

د چارشنبې په ورځ تېز بادونه ولګېدل چې د اور ایرې او لوګی یې د دې ایالت شمالي برخو ته هم یووړ.

د عکس سرچینه، Reuters

د عکس تشریح،

د سن فرانسیسکو ښار اسمان

د سان فرانسیسکو ښار اوسېدونکي چې ګهیځ راویښ شول، اسمان یې بېل رنګ درلود، ځینو ګومان کاوه چې لاهم شپه ده.

(سان فرانسیسکو کورنیکل) ورځپاڼې د ویسټ پورټل سیمې د جیزلین له خولې ویلي "داسې ښکارېده لکه د نړۍ پای چې وي."

دا وايي: "د اندېښنې ځای و چې تپه تیاره خپره وه. په تیاره کې خواړه خوړل هم خوند نه کوي. باید د ورځې کارونه دې وکړې."

د عکس سرچینه، Reuters

کارپوهانو ویلي، دغه لوګی د اسمان نارنجي کېدو لامل شوی.

د عکس سرچینه، Reuters

د عکس تشریح،

د سان فرانسیسکو اسمان

کارپوهانو اټکل کړی چې تر راتلونکو څو ورځو به د ځنګل د اور له کبله فضا او د اسمان رنګ بدل وي.