واشګټن پوست: 'د بګرام پوځي اډه کې برید ټول هک پک کړي'

د انځور حقوق AFP
Image caption په دغه ځانمرګي برید کې څلور تنه امريکايان وژل شوي وو

واشنگټن پوست:

امريکا چاپې واشنگټن پوست ورځپاڼې په بگرام پوځي اډه کې شوي وروستي ځانمرگي بريد ته کتنه کړې او وايي دې پېښې د امنيت په تړاو سربداله کوونکې پوښتنې رادبره کړي.

ورځپاڼه وايي له بريد وروسته په بگرام کې د امريکايانو پوځي اډه د کارکوونکو په مخ وتړل شوه او همداراز د امريکا سفارت د بېړنيو خدمتونو پرته نور تړلى و.

د بګرام پر هوايي اډې بريدګر "کارکوونکی او د طالبانو پخوانی غړی و"

ورځپاڼه وايي د جگړې په اوږدو کې دا دويم ځل دى چې يو ځانمرگى بريدگر د امريکايانو اډې ته دننه په ځان رسولو کې بريالى کېږي.

د ورځپاڼې په وينا افغان چارواکي اندېښمن دي چې دا بريد ښايي د سرتېرو خونديتابه په برخه کې د امريکايانو اندېښنې زياتېدا لامل شي او د امريکا نوى ټاکل شوى ولسمشر ډونلډ ټرمپ وهڅوي چې پاته امريکايي ځواکونه ټول له افغانستانه وباسي.

د ورځپاڼې په وينا بگرام پوځي اډې کې دننه د ځانمرگي بريد خبر ټول هک پک کړي.

په دغه اډه کې يوۀ کارکوونکي ورځپاڼې ته ويلي فزيکي پلټنه دومره سخته وي چې کس آن يوه ستنه دننه نشي وړى.

بګرام هوايي اډه کې 'ځانمرګی' برید شوی

نيويارک ټايمز:

د انځور حقوق AP
Image caption ملگري ملتونه افغان کډوالو ته د مرستو برابرولو په موخه د ١٥٢ ميليون ډالرو بسپنې غوښتنه کړې ده.

ملگري ملتونه افغان کډوالو ته د مرستو برابرولو په موخه د ١٥٢ ميليون ډالرو بسپنې غوښتنه کړې ده.نيويارک ټايمز په خپلۍ نننۍ گڼې کې ليکي:

ملگري ملتونه افغان کډوالو ته د مرستو برابرولو په موخه د ١٥٢ ميليون ډالرو بسپنې غوښتنه کړې ده.

د ورځپاڼې په وينا دا بسپنه به له پاکستانه افغانستان ته ورستنو شويو کډوالو لپاره پر سرپناه، روغتيا ساتنې او خوړو ولگول شي.

ورځپاڼه وايي له پاکستان او ايرانه افغانستان ته په لوى شمېر کې د کډوالو ستنېدل او په کور دننه بې ځايه شوي وگړي د مرستې رسونې په برخه کې د حکومت او مرستندويو ادارو پر وړتيا فشار ډېروي.

د خوړو نړیوالې ادارې خبردارى ورکړى چې منځني ختيځ او ختيځه افريقا کې کړکېچ زياتېدا له امله د بسپڼې په ورکړه کې محدوديت په افغانستان کې يې ماموريت گواښي.

د ورځپاڼې په وينا ٤٠ سلنه افغانان د خوړو په برخه کې له ثباته بې برخې دي.

اکسپرېس ټريبيون:

د انځور حقوق EPA
Image caption پر "شا نوراني" زيارت شوي بريد کې۴۳ کسان ووژل شول

پاکستان چاپې اکسپرېس ټريبيون په بلوچستان کې پر "شا نوراني" زيارت شوي بريد ته کتنه کړې چې ''اسلامي دولتګګ نومې ډلې يې پړه ومنله.

بلوچستان: د شاه نوراني زيارت چاودنه کې لږ تر لږه ۴۳ تنه وژل شوي

ورځپاڼې وايي پېښور کې امنيتي ځواکونه او قانون پلي کوونکې ادارې په دې باور دي چې داعش په سيمه کې له نورو ترهگرو ډلو سره اړيکي ټينگ کړي، په تېره د پاکستاني طالبانو د غورځنگ له ''جماعة الاحرار'' سره چې په ښارونو کې ترهگريز بريدونه وکړي.

ورته مطالب