قرنطین ورځو کې ډېر خوراک؛ څنګه خپل عادت بدلولی شو؟

Illustration showing a snacking person
د عکس تشریح،

بې وخته او زیات خوراک روغتیا ته زیان اړوي

د کورونا وېروس بحران له کبله میلیونونه انسانان له بې سیکۍ، د مشغولتیا له کموالي، بد مزاجۍ او ان ژور خفګان سره مخامخ شوي دي. ځینې د ورځې لخوا خوب کوي او د ګڼو نورو بیا د ویده کېدو وختونه ګډوډ شوي دي.

ګڼ کسان بیا دې ورځو کې وخت نا وخت خوراک کوي. خو د قرنطین پر مهال د بې وخته خوراک عادت سره څه باید وکړو؟

د تغذیې برخې کارپوهه پریسا خانیپوروايي:

موږ په خورا لنډه موده کې اړ شوو، په خپلو عادتونو کې ژور بدلونونه راولو. دا هر څه زموږ لپاره د سختې ذهني ستړیا او یا تحریک لامل کېدای شي. خو داسې لارې چارې شته چې پر مټ یې له خوړو سره سره هم په ذهني توګه او هم جسماً ارام او سوکاله پاتې کېدای شو.

پریسا وايي، مهمه دا ده چې د بې وخته لوږې دغسې منفي محرکات وپېژنو او له زیانه یې ځانونه ساتو.

پر دې پوهېدل هم ګټه کوي چې وخت ناوخت خواړه د موقت وخت لپاره ښايي د ذهني فشار په کمولو کې ګټه وکړي، خو په اوږده مهال کې زیان رسوي.

پریسا وړاندیز کوي چې داسې نور فعالیتونه او ستراتېژۍ شته چې پر مټ یې کولای شو، د بیا - بیا سپک خوراک له جنجاله ځان وژغورو.

د عکس تشریح،

باید هڅه وکړو چې د قرنطین ورځو کې ځان ته مشغولتیاوې پیدا کړو

د بېلګې په توګه کولای شو چې زیاتې اوبه وڅښو، یا د خوند لپاره پکې د میوې یا سبو اوبه ګډې کړو.

په داسې لوبو وخت تېر کړو، چې په کور دننه کېدای شي، یوه ملګری سره په ټیلیفون کې وغږیږو، په کور دننه ورزش وکړو یا هم وروسته د مناسبو خوړو لپاره چمتوالی وکړو او ځان ته وخت ورکړو، چې خوند ترې واخلو.

دغه راز د خوراکي‌ توکو اخیستو لپاره پلان چمتو کولای شو او داسې خواړه باید و نه پېرو چې روغتیا ته مضر واوسي.

د خوړو لپاره د فکر تمرین:

باید د خپلې خوښې سپک خوراک په هکله هم فکر وکړو، داسې خواړه انتخاب کړو، چې روغتیا ته مو د ګټې پر ځای زیان و نه رسوي.

د وخت ناوخته لوږې له عادته د ځان خلاصون یوه لاره دا هم ده، چې د خوړو په هکله غور وکړو.‌ دې سره د خوراک په هکله زموږ په فکر کې بدلون راځي او د ځان ملامتولو له احساسه هم ځان ژغورو.

که دغه تخنیکونه هم د بیا - بیا لوږې په مخنیوي که ګټه و نکړي، پریسا یې ځینې نور بدیلونه وړاندیز کوي.

د عکس تشریح،

کله چې بازار ته ځو نو باید یو پلان ولرو او مناسب خواړو رانیسو

د بېلګې په توګه نوموړې وایي ‌چې زموږ خواړه ډېر خواږه یا مالګین باید نه وي.

د لمدې او وچې میوې ټوټې او زړي، چې خواږه یا مالګین نه وي، بې پېروي مستې، خامې مېوې لکه ګاځره، حمص، وچ توتان او نعناع یا شنشوبی، جوش ورکړل شوي پالک او چغندر، پوخ کدو، مومپلي سکواش، دارچیني، د طبیعي اعشابو چای، خرما، ممیز، جوار او یا یو څه تور کاکاو، یا شکولات.

پریسا زیاتوي: موږ له بېلابېلو خوړو د یوه اندازه تغذیې تر لاسه کولو ته اړتیا لرو او له همدې کبله اړینه ده، چې د کور سودا لپاره باید پلان چمتو کړو او پرې غور وکړو.

پریسا وايي، د کور سودا لپاره بهر ته له وتلو مخکې د یوه لیست چمتو کول او بیا د هماغه لیست سره سم خواړه رانیول ځکه اړین دي، چې که له دوکانه د خوراک اړوند هر څه راټولوو، ښايي له احتیاط سره سره هم وخت ناوخته خوړو ته وهڅېږو.