پاکستان کې ګوګل ویب پاڼه هېک شوې

د خپريدو وخت: 08:05 گرینویچ - 25 نومبر 2012 - 05 لیندۍ 1391

دولتي راډیو د بهرني خبري اژانس په حواله ویلي، چې پاکستان کې ټولټال ۲۸۵ ویبپاڼې هېک شوې دي.

پاکستان کې دولتي رسنیو رپوټ ورکړی، چې په دغه هېواد کې د ګوګل په شمول یو شمېر ویب پاڼې هېک شوې دي.

د شنبې په ورځ د پاکستان دولتي راډیو په خپل رپوټ کې وویل، د ترکیې هېکرانو ادعا کړې، چې د ګوګل پاکستان پاڼه یې هېک کړې ده.

د ګوګل پاکستان پاڼه هېک شوې، خو نړیوال پورټال یې فعال دی.

پاکستان راډیو په دغه هېواد کې د مخابراتو او انټرنیټ څارونکې ادارې د مسوولینو له قوله وویل، چې د ګوګل پاکستان پاڼه بېرته فعاله شوې ده.

دولتي راډیو د بهرني خبري اژانس په حواله ویلي، چې پاکستان کې ټولټال ۲۸۵ ویبپاڼې هېک شوې دي.

په هېک شویو ویب پاڼو کې د دغه هېواد د یو شمېر حکومتي ادارو او شخصي پاڼې هم شاملې دي.

د راډیو په رپوټ کې نه دي ویل شوي، چې د کومو حکومتي ادارو ویب پاڼې هېک شوې دي او ایا دغه پاڼې بېرته فعالې شوې او که څنګه؟

پاکستان کې له دې مخکې هم د یو شمېر حکومتي ادارو ویب پاڼې هېک شوې دي.

له دې مخکې د هېکرانو انډین سایبر ارمي نومې ډلې د پاکستان د حکومتي ادارو ویب پاڼې هېک کړې دي.

د ۲۰۱۰ کال په اوږدو کې دې ډلې د پاکستان د حکومتي ادارو تر ۳۶ ډېرې ویب پاڼې هېک کړې.

د هاغه مهال په هېک شویو ویب پاڼو کې د پاکستان د بهرنیو چارو وزارت، د سمندري پوځ، ملي احتساب اداره، مېرې ټایم امنیتي شرکت او د سند ایالت د لومړي وزیر ویب پاڼې شاملې وې.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .