د کال غوره لوبغاړي په سیالۍ کې دافغانستان نبي او شینواری

Image caption سمیع الله شینواری د محمد نبي تر څنګ د کال غوره لوبغاړي جایزې ته نومول شوی

اي سي سي (کرېکټ نړیواله شورا) د سږني کال لپاره د کرېکټ په بېلا بېلو برخو کې د کال غوره لوبغاړیو سیالي لپاره د لوبغاړیو نومونه په ډاګه کړل.

د افغانستان کپتان او تکړه ال راونډر (بیټسمېن او بالر) سمیع الله شینواری هغه دوه لوبغاړي دي چې د اسوسي ایټ یا د اي سي سي نیمه غړیو هېوادونو په برخه کې د کال غوره لوبغاړي سیالۍ ته نومول شوي.

د دوی دواړو تر څنګ د سکاټ لنډ دوه لوبغاړي کالم مک لایډ او پرېسټن مومسن هم د دغې سیالۍ لپاره نومول شوي.

د کرېکټ نړیواله شورا به د نومول شویو لوبغاړیو د تېر یوه کال لوبه ارزوي چې په دې کې د سږني کال د ۲۰ اوره نړیوال کپ سیالۍ هم راځي.

پر دې سربېره اي سي سي په نړیوالو لوبو کې د کال غوره لوبغاړي جایزې، په شل اوره لوبو کې د کال غوره لوبغاړي جایزې، په یو ورځنیو لوبو کې د کال غوره لوبغاړي جایزې، په ټېسټ لوبو کې د کال غوره لوبغاړي جایزې لپاره هم نومونه په ډاګه کړي.

د دې تر څنګ په تېر کال کې د ځوان غوره لوبغاړي جایزې لپاره هم نومونه په ډاګه شوي.

Image caption د محمد نبي او سمیع الله تر څنګ دوه سکاټلنډي لوبغاړي هم دغې سیالي ته نومول شوي

سږنی کال د اي سي سي د غوره لوبغاړیو جایزو ۱۱م کال دی او د ګټونکو نومونه به د نومبر په ۱۴مه نېټه په ډاګه شي.

د اي سي سي د کرېکټ په بېلا بېلو برخو کې د نومول شویو لوبغاړیو نومونه په لاندې ډول دي.

د اي سي سي د کال غوره لوبغاړي جایزه

ای بي ډي ویلیرز (جنوبي افریقا)

مېچل جانسن (اسټرالیا)

انجلو مېتیوز (سريلانکا)

کمار سنګاکارا (سریلانکا)

د ټېسټ لوبو د غوره لوبغاړي جایزه

مېچل جانسن (اسټرالیا)

انجلو مېتیوز (سريلانکا)

کمار سنګاکارا (سریلانکا)

ډیوېډ وارنر (اسټرالیا)

یو ورځنیو لوبو کې د کال غوره لوبغاړي جایزه

کوینټن دي کوک (جنوبي افریقا)

ای بي ډي ویلیرز (جنوبي افریقا)

ویرات کوهلي (هندوستان)

ډیل سټېن (جنوبي افریقا)

ای سي سي اسوسي ایټ د کال غوره لوبغاړي جایزه

محمد نبي عیساخېل (افغانستان)

سمیع الله شینواری (افغانستان)

کالم مکلایډ (سکاټلنډ)

پرېسټن مومسن (سکاټلنډ)

ورته مطالب