شېبه په شېبه: ټرمپ د امریکا ولسمشرۍ ټاکنو کې بریالی شو

په خیبرپښتونخوا کې لنډمهالې ایالتي کابینه داسې مهال کار پیلوي چې څو ورځې وړاندې هلته ایالتي اسامبلۍ منحل شوه او د نویو ټاکنو لپاره مهال وېش اعلان شو. چارسمبالې کابینې د مشر وزیر اعظم خان په مشرۍ کار پیل کړی چې ټول غړي یې یوازې سړي دي. د دې کابینې سند د خیبرپښتونخوا د والي غلام علي لخوا لاسلیک شوی دی.

پاکستان کې پولیس وايي، د عمران خان په مشرۍ د تحریک انصاف ګوند یو جګپوړی غړی له دې امله نیول شوی چې د ټاکنیزو شکایتونو کمیسیون غړو ته یې ګواښ‌ کړی و. پر فواد چودري له همدې امله پولیسو سره شکایت ثبت شوی و او داسې مهال نیول شوی چې له لاهوره اسلام اباد ته پر لاره و.د فواد چودري په ضد ثبت شوي شکایت پاڼه کې راغلي چې نوموړي په یوه ټلویزیوني مرکه کې د ټاکنو کمېسیون مشر او غړو ته ګواښمنې څرګندونې کړې دي.

د خیبرپښتونخوا د مشر وزیر له امر وروسته، د دغه ایالت والي غلام علي د اسمبلۍ د منحل کېدو سپارښتنه یا لایحه لاسلیک کړې ده. د پاکستان د قانون له مخې والي کولای شوای تر دوو ورځو یا ۴۸ ساعته صبر وکړي، او بیا د اسمبلۍ د لغوه کېدو وړاندیز رد یا لاسلیک کړي. خو والي د ایالتي اسمبلۍ د منحل کېدو لایحه د اعلي وزیر تر غوښتنې څو ساعته وروسته سملاسي ومنله.

امریکا کې د نومبر پر ۸ مه د پلان شویو منځمهاله ټاکنو د ورځې په رانږدې کېدو سره ټاکنیزو مبارزې او منډې ترړې لا تودې شوې دي. د امریکا ولسمشر جو بایډن او مخکینی ولسمشر ډونلډ ټرمپ بېلابېلو ایالتونو کې په انتخاباتي غونډو کې ګډون سره هڅه کوي چې د خپلو ګوندونو نوماندانو ته لا ډېر ملاتړ جلب کړي.

د امریکا اوسني او دوو پخوانیو ولسمشرانو جو بایډن، بارک اوباما او ډونلډ ټرمپ درېواړو په یوه ورځ د پنسیلوانیا ایالت کې منځمهاله ټاکنو لپاره انتخاباتي منډو ترړو کې برخه واخیسته. دغو سیاسي سیالانو یو شریک پیغام درلود او هغه دا چې له امریکایانو یې وغوښتل "رایې وکاروئ". دغو ټاکنو کې د کانګرس د استازو جرګې پر ټولو ۴۳۵ او د سنا یا مشرانو جرګې پر ۳۵ څوکیو سیالي کېږي.

برازیل کې د نوي ولسمشر د ټاکلو سیالۍ دویم پړاو ته ولاړه. د وروستیو ټاکنو د پایلو له مخې د ولسمشرۍ له مخکښو نوماندانو یوه هم تر ۵۰ سلنې ډېرې رایې نه دي ګټلې.

د امریکا مخکینی ولسمشر ډونلډ ټرمپ‌ وايي د فدارل څېړنو ادارې 'ایف بي ای' یې فلورېډا کې پر کور چاپه اچولې ده. هغه ویلي "ان زما سېف [صندوق] یې هم مات کړی دی." ایف بي ای دا پلټنه د قضايي ادارو لخوا د ملي ارشیف ریکارډونو په تړاو د لټون جازې پر بنسټ ترسره کړې. د امریکا ولسمشران د قانون له مخې مکلف دي چې خپل ټول لیکونه، کاري اسناد او برېښنالیکونه ملي ارشیف ته وسپاري خو ویل شوي ښاغلي ټرمپ ډېر اسناد څیرلي او لمنځه وړي.

د امریکا پخواني ولسمشر ډونلډ ټرمپ وروسته تر هغه چې لور یې ایوانکا ټرمپ د ولسمشرۍ ټاکنو کې د پراخو درغلیو له بې بنسټه ادعاوو نه ځان څنګ ته کړی و، هغې ته ځواب ووایه. د امریکا پر کانګرس د برید په تړاو استماعیه غونډه کې د اغلې ټرمپ نالیدلی کلیپ خپور شو چې د خپل پلار ادعاوې پکې ردوي.

هند کې عام آدمي پارټي (عام سړي ګوند) د پنجاب ایالت ټاکنو کې پرېکنده بریا خپله کړې او اوس هلته د خپل حکومت په جوړولو بوخت دی.

د ملګرو ملتونو عمومي اسمبله کې د اوکرایین پر کړکېچ بحث وشو. د ملګرو ملتونو سرمنشي 'انتونیو ګوترېش' دې ناستې ته وینا کې د روسیې او اوکرایین ترینګلتیا وروستیو کلونو او په ځانګړې توګه له هغې راهیسې چې دی د دغه سازمان سرمنشي ټاکل شوی، د نړۍ سولې او امنیت لپاره تر ټولو جدي کړکېچ وباله. هغه خبرداری ورکړی چې نړۍ د دغه کړکېچ پر سر "د خطر له شیبې" سره مخامخ ده. نوموړي وویل: "اوس د اوربند او د ډیالوګ او مذاکراتو لار ته د ورګرځېدو وخت دی."

یوه لوړ پوړي امریکايي چارواکي ویلي د روسیې هغه ادعا چې وايي له اوکرایین سره پولې ته نژدې سیمې نه خپل پوځیان وباسي ''دروغ ''ده او روسیې په وروستیو ورځو کې ۷ زره ضافي پوځیان هم له اوکرایین سره پولې ته نژدي استولي دي.

د امریکا ولسمشر جو بایډن دغه هېواد کې د افغانستان د کنګل شوې شتمنۍ د ویشلو اجرايي فرمان صادر کړی دی. د دغه فرمان له مخې امریکا کې د افغانستان د مرکزي بانک ۷ میلیارد ډالره کنګل شوې شتمني په دوو مساوي برخو ویشل کېږي. ټاکلې د دغو پېسو نیمه برخه (۳ اعشاریه ۵ میلیارډ ډالر) افغانستان ته د بشردوستانه مرستو لپاره ورکړ شي خو نیمې نورې یې د دې لپاره امریکا کې ساتل کېږي چې د ۲۰۰۱ کال د سپتمبر د ۱۱مې د بریدونو د ځینو قربانیانو کورونیو ته یې د غرامت په ډول د ورکړې قضیه روانه ده.

د بریتانیا دفاع وزیر بن والس خبرداری ورکړی دی چې هېواد یې له افغانستانه د بریتانوي وګړو او نورو اړمنو کسانو ایستلو لپاره ټولې هڅې کوي، خو ښایي د هر چا را ایستل شونې نه وي. بن والس بي بي سي ته وویل، په تېرو ۲۴ ساعتونو کې یې ۱۰۰۰ کسان را ایستلي، او له اپرېل میاشتې راهیسې ټولټال لس زره کسان را ایستل شوي دي.‌

د امریکا مخکیني ولسمشر ډونلډ ترمپ له سپینې ماڼۍ تر وتلو وروسته خپله لومړۍ وینا کې اعلان کړی چې له جمهوریپال ګوند د وتلو او د نوي ګوند جوړولو هوډ نه لري. ښاغلي ټرمپ د یکشنبې پر ورځ د فلوریډا ایالت اورلانډو ښار کې د محافظه کارو یوه کنفرانس ته په خبرو کې دا اشاره هم ورسوله چې ښايي ځان د ۲۰۲۴ کال ولسمشریزو ټاکنو نوماند کوي.

امریکا کې د امنیتي ادارو مشرانو د تېرو ولسمشریزو ټاکنو له پایلو د ناراضه کسانو لخوا په کور دننه د ترهګریزو ګواښونو د کچې د لوړېدو خبرداری ورکړی دی. په دې لړ کې د امریکا د کورني امنیت وزارت ويلي د جنورۍ په ۶مه د کانګرس پر ودانۍ د ډونلډ ټرمپ د پلویانو چپاو ځینې افراطیان زړور کړي دي.

شنونکي وايي د امریکا متحدو ایالتونو کې پر کانګرس د چپاو وړونکې ډلې په څېر د توندلارو ښي اړخو خطر جدي او پراخېدونکی دی. د سیاسي تاوتریخوالي د څرک لګوونکي ګروپ موندنې ښيي، چې د نومبر ولسمشریزو ټاکنو کې د جو بایډن تر بریا وروسته لاریونونو او اعتراضونو کې د وسله والو ډلو ګډون د پام وړ ډېر شوی دی.

دېموکراتان ولسمشر ټرمپ په کانګرس د چپاو په لمسون تورنوي چې پنځه کسان پکې ووژل شول. د امریکا د استازو جرګې مشرې نانسي پلوسي ګواښ کړی که ډونلډ ټرمپ پخپله سملاسي استعفا ونه کړي - دوی به یې د استیضاح بهیر پر مخ یوسي. که دغه پروسه پر مخ ولاړه شي نو دا به دویم ځل وي چې د ډونلډ ترمپ د استیضاح چارې پیلېږي. تر اوسه د امریکا یو ولسمشر هم دوه ځله نه دی استیضاح شوی.

د امریکا پلازمېنه کې د ولسمشریزو ټاکنو د پایلو د بدلون لپاره وروستیو اعتراضونو او د کانګرس پر ودانۍ د ډونلډ ټرمپ د پلویانو ورختلو نړۍ حېرانه کړه. د نړۍ لروبر کې خلکو په حېرانۍ د خپلو تلویزونو پر پردو او خواله رسنیو کتل چې سلګونه لاریونوال څنګه د امریکا د جمهوریت پر زړه "کپیټل هېل" چپاو وروړي او امنیتي ځواکونو سره نښتو کې ښکېلېږي.