د عکسونو البوم: افغانستان کې د تېرو درې پېرونو زورزیاتی

د دې نندارتون اصلي ځای د کابل په لوېدیځ کې د دهبوري واټ دی چې د مجاهدینو د جګړو پر مهال سخت ویجاړ شوی و.

په دې نندارتون کې د جګړو د قربانیانو او د کابل د ورانۍ د جګړو انځورونه دي چې د مجاهدینو خپل منځې جګړې ښيي.

دې بنسټ تر دې وړاندې په هرات او کونړ کې هم ورته شان نندارتونونه جوړ کړي وو.

په کابل کې د دهبوري واټ، د زرګونو اوسېدونکو په ځانګړې توګه کابل پوهنتون زده کوونکو د تګ راتګ نږدې سیمه ده.

دا نندارتون د کورنیو چارو وزارت په قانوني اجازه جوړ شوی و.

د مجاهدینو ترمنځ په خپل منځيو جګړو کې د کابل د ویجاړیو او د طالبانو له خوا د خلکو د بدن غړو د پرېکولو انځورونه د تنکیو زلمیو لپاره نوی شی دی.

د دې بنسټ مشر ویدا احمد بي بي سي ته وویل د دغو انځورونو په ښوولو هڅه کوي هغه جنایتونه هېر نه شي چې په تېرو دېرشو کلونو کې تر سره شوي دي او په دې توګه د هغو تر سره کوونکو ته د محاکمې زمینه برابره شي.

په انځورونو کې د خلق او پرچم د واکمنیو د مهال ډله ییز قبرونه، د طالبانو د واکمنۍ پر مهال اعدامونه او د بدن د غړو پرېکول او په تېرو څه د پاسه لسو کلونو کې د ناټو او امریکایي پوځیانو له خوا بمبارۍ ښوول کېږي.

په افغانستان کې د خپلمنځي جګړو پر مهال کابل وران شو، ډېر خلک د جګړو له وېرې ګاونډیو هېوادونو ته کډوال شول او زیات شمېر ووژل شول

د دې نندارتون اصلي ځای د کابل په لوېدیځ کې د ده بوري واټ دی چې د مجاهدینو د جګړو پر مهال سخت ویجاړ شوی و.

په دې نندارتون کې د جګړو د قربانیانو او د کابل د ورانۍ د جګړو انځورونه دي چې د مجاهدینو خپل منځې جګړې ښيي، په انځورونو کې د خلق او پرچم د واکمنیو د مهال ډله ییز قبرونه، د طالبانو د واکمنۍ پر مهال اعدامونه او د بدن د غړو پرېکول او په تېرو څه د پاسه لسو کلونو کې د ناټو او امریکایي پوځیانو له خوا بمبارۍ ښوول کېږي.

په کابل کې د جګړو پر مهال بېلابېلو ډلو یو پر بل ظلمونه وکړل او بې محاکمې وژنې تر سره شوې.