په دې وسیله کې د غږ اوريدل او ویډیو لیدنه شونې نه ده.

هند کې د اوبو اې ټي ایم نظام

د هند پلازمېنه نوي ډيلي کې د ورځې تېرولو لپاره د څښاک پاکو اوبو موندل ځينې وخت يو سرخوږی وي.

د دغه ښار حکومت پر دې ستونزې د بري او مبارزې لپاره د يوه نوي نظام په ازمويلو پيل کړی، چې د اوبو اې ټي اېم بلل کېږي.

په همدې نامه ۱۲ ماشينونه د اوبو درملنې په يوه داسې بټۍ سمبال دي چې له مځکې اوبه راوباسي او پاکوي يې، او خلکو ته د کمو پيسو په بدل کې د څښاک پاکې اوبه برابروي.

دغه ازمويښتي نظام نه يوازې خلکو ته د اوبو باور وړ سرچينه برابره کړې بلکې د سيمې ټولنې د روغتيا حالت یې هم ښه کړی دی.

د دغه بري په رڼا کې د ډيلي ښاري حکومت غواړي دغه پروګرام لا نور وغځوي.

تفصیل په دې رپوټ کې چې بسم الله مومند یې وړاندې کوي.