د اکسفورډ د عکاسۍ فیستیوال

د بریتانیې اکسفورډ ښار په پام کې لري چې د نړیوالې عکاسۍ خپل لومړنی فیستیوال د ښار په ۲۰ بېلابېلو برخو کې تر دریو اوونیو پورې جوړ کړی.

د عکس تشریح،

تمه ده چې اکسفورډ کې د دغه فیستیوال لیدو ته زرګونه خلک راشي. دغه فیستیوال به په ۲۰ بېلا بېلو محلونو کې تر دریو اوونیو پورې دوام لري او د بریتانیې، د امریکا متحده ایالتو، جرمني، نوي زیلاند، فینلند، مصر او ایټالیا د وتلو عکاسانو انځورونه به په کې نندارې ته وړاندې کېږي.

د عکس تشریح،

وتلو عکاسانو انځورونه به په کې نندارې ته وړاندې کېږي. د فیستیوال مدیر، د عکاسۍ خبریال رابن لاورینس وویل: "دا یو ښکلی او د لیدو وړ ښار دی چې د نندراتونونو لپاره ښکلي لرغونې ودانۍ لري".

د عکس تشریح،

په دې فیستیوال کې به د سږ کال د (نړیوال خبریال انځور) د سیالیو ځینې ګټونکي عکسونه هم نندارې ته وړاندې شي. په دې انځور کې د فېلېپین د تولوسه سیمې خلک چې د حیان له توپانه ژوندي پاتې شوي لیدل کېږي. دې عکس چې فرانسوي عکاس فېلیپ لوپیز اخیستی د ای ایف پي د خبر د څانګې د کلنۍ سیالۍ د لومړي مقام جایزه وګټله.

د عکس تشریح،

په دې انځور کې چې امریکايي عکاس جان سټنمېیر اخیستی د جېبوتي په ښار کې د شپې پر مهال افریقايي کډوال لیدل کېږي. دوی خپل تېلیفونونه جګ نیولي چې د سومالیه د ارزان سګنل نه ګټه واخلي. دغه عکس د (د رسنیو نړیوال انځور) جایزه وګټله.

د عکس تشریح،

میسي براډهیډ فیستیوال ته هغه انځورونه چمتو کړي چې په کې ښځې په خپلو کورنو کې د ارامو شېبو پر مهال ښودل شوي.

د عکس تشریح،

ریچرډ ډېویس د روسیې د زرګونو لرګینو او لرغونو کلیساګانو د ځینو پاتې شونو انځورونه اخیستي دي.

د عکس تشریح،

د فیستیوال په ترڅ کې به د اکسفورډ د ښار په یوې سینما کې به یو شمېر هغه فلمونه هم نندارې ته وړاندې شي چې د انځورونو په موضوع را څرخي. دغه وړیا فیستیوال به د اکتوبر تر پنځمې دوام لري.