په دې وسیله کې د غږ اوريدل او ویډیو لیدنه شونې نه ده.

یمن قحطۍ ته نږدې کړی دی

یمن کې روانې کورنۍ جګړې د منځني ختيځ دغه هېواد قحطۍ ته نږدې کړی دی.

وروسته له هغه چې د یمن حکومت د حوثي یاغیانو لخوا وپرځول شو، د سعودي په مشرۍ یو اېتلاف چې ځېنو سېمه ییزو او لوېدیځو هېوادونو یې ملاتړ کاوه دلته د یاغیانو د ځپلو په موخه هوايي برېدونه پيل کړل.

پر دغه کړکېچ ۱۸ میاشتې واوښتې. شاوخوا دوه میلیونه کسان یې له خوارځواکۍ سره مخ کړي چې یو نیم میلیون یې ماشومان دي.

د بي بي سي د عربي څانګې نوال ال مشافي داسې یوې سېمې ته ورغلې چې مرستندویه ټولنې پکې نور کار نه شي کولی.

د دغه رپوټ ځېني برخې ښایي زړه بوږنونکي وي.