BBCPashto.com
BBCPerisan.com
BBCUrdu.com
BBCRussian.com
BBCUzbek
BBCArabic.com
BBCChinese.com
BBCMundo.com
 
د خپريدو وخت: 07:35 گرينويچ 2009 ,26 جون
 
دا پاڼه کوم ملگري ته ولېږئ   چاپي بڼه
مايکل جکسن دپنځوسو کلونو په عمر ومړ
 

 
 
ښاغلی جکسن
دګينز په نوم دنړيوالو ريکارډونو دکتاب دراپور له مخې د مايکل جکسن دټريلر البوم چې په 1982 کې بازار ته راووت 65 ميليونه کاپي وپلورل شو چې په نړۍ کې دموسيقي تر ټولو ډېر پلورل شوی البوم بلل کېږي .
دپاپ موسيقۍ نامتو ستوری مايکل جکسن دپنجشنبې په ورځ (دجون په 25 مه،) دپنځوسو کلونو په عمر دامريکا دمتحده ايالتونو په لاس انجلس کې ومړ .

دښاغلي جکسن ورور جرامين وايي داسې ښکاري چې مايکل جکسن به دزړه دناروغۍ له امله مړ شوی وي .

دهغه جسد له روغتون څخه په چورلکه کې عدلي طب ته دڅېړنو لپاره وړل شوی دی .

دښاغلي جکسن دمړينې خبر له هغه وروسته خپور شو چې په هاليووډ کې له خپل کور څخه دمرستندويو ځواکونو له لوري دزړه ددرېدو له امله يوه روغتون ته ورسول شو.

دلاس انجلس ټايم ورځپانې په خپله وېبپاڼه کې راپور ورکړی چې دښاغلي جکسن کور ته د مرستې دمامورينو د ورتګ پر مهال دجکسن ساه (تنفس) درېدلی و.

دامهال دپاپ موسيقۍ ددغه نامتو ستوري مينه وال دروغتون او دښاغلي جکسن دکور شاوخوا ته راغونډ شوي دي .

مايکل جکسن يو شمېر روغتيايي ستونزې درلودې او تر درملنه لاندې و.

نوموړي له کوچينوالي څخه دموسيقي په برخه کې له خپلو وروڼو سره يوځای د جکسن فايو په هنري ډله کې کار پيل کړی و.

ده په اتيايمه زېږدي لسيزه کې د((ټريلر)) او ((بد)) په نوم سندرو له ويلو وروسته نړيوال شهرت وموند.

دګينز په نوم دنړيوالو ريکارډونو دکتاب دراپور له مخې د مايکل جکسن دټريلر البوم چې په 1982 کې بازار ته راووت 65 ميليونه کاپي وپلورل شو چې په نړۍ کې دموسيقي تر ټولو ډېر پلورل شوی البوم بلل کېږي .

مايکل جکسن په تېرو کلونو کې داخلاقي جنجالونواو مالي ستونزو له امله ګوښه شوی و.

نوموړی شپږ کاله مخکې د يوه 14کلن ماشوم دجنسي ځورونې په تور بندي شو خو تر يوې پنځه مياشتنۍ جنجالي محاکمې وروسته محکمې هغه بې ګناه وباله .

مايکل جکسن دمايکل جوزف، پاريس مايکل کاترين او پرينس مايکل دويم په نوم درې اولادونه درلودل .

 
 
نور خبرونه
 
 
دا پاڼه کوم ملگري ته ولېږئ   چاپي بڼه
 
 
 
 
BBC Copyright Logo ^^ سرپاڼه
 
  لومړى مخ | افغانستان | نړۍ | پروگرامونه | څپې او وختونه
 
  BBC News >> | BBC Sport >> | BBC Weather >> | BBC World Service >> | Learning English >>
 
  د اوريدو ستونزې او حل لارې | له موږ سره اړيکه | محرميت