امریکايي ضد مظاهرې استرالیا ته وغځېدې

د خپريدو وخت: 12:44 گرینویچ - شنبه‬ 15 سپتمبر 2012 - 25 وږی 1391

په امريکا کې د اسلام ضد وېډيو په غبرګون کې د مظاهرو لمن اوس تر اسټراليا غځېدلې او د سډني په واټونو د پوليسو او سلګونو مسلمانانو ترمنځ نښتې شوي دي.

پوليسو د مظاهره چيانو د تيتولو لپاره چې تيږې او لرګي يې وارول مرچ شيندلي او سپي ورشکارلي دي.
د پوليسو او مظاهره چيانو ترمنځ نښتو څو ساعته دوام درلود.

په مصر کې د نورو مظاهرو په پايله کې مظاهره چيان له پوليسو سره نښتي کړي چې په پايله کې سل کسه ټپيان شوي دي.

پوليس په قاهره کې د امريکا له سفارت نه د راتاو شويو مظاهره چيانو په لرې کولو بوخت دي.

په السکندريه کې هم د امريکا د قونسلګرۍ بهر مظاهره چيان راټول شوي او په سيناء کې مظاهره چيان په زور د نړېوالو سوله ساتو ځواکونو اډې ته ننوتي دي.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .