ایران ۴ تورن بندیان اعدام کړل

د خپريدو وخت: 05:46 گرینویچ - چارشنبه 17 اکتوبر 2012 - 26 تله 1391

ایران ویلي چې انقلابي عمومي محکمې په طبس زندان کې په نشه يي توکو څلور تورن بندیان اعدام کړي دي.

د ایران (ایسنا) خبري اژانس ویلي، قاضي عبدالجواد پارسافر وویل: ''دغه کسان په ۱۳۸۷ کال کې د ۱۹۰ او ۳۰۰ کیلوګرامو نشه يي توکو او مورفینو د قاچاق په تور نیول شوي، چې په ۱۳۸۹ کال کې په اعدام محکوم شوي وو.''

د طبس د محکمې په وینا، ددغو څلورو تورنو د اعدام حکم د تېرې یکشنبې په ورځ (میزان/تلې پر ۲۳) عملي شو.

راپور وايي چې درې تورن پخپلو معدو کې د نشه يي توکو په جرم نیول شوي او اعدام شوي.

د ملګرو ملتونو او بشري حقونو یو راپور په ایران کې د اعدامونو په تړاو خپاره شوي راپور دغه اعدامونه سخت غندلي وو.

د بښنې نړیوال سازمان ویلي وو چې د روان کال له پیله تر اکتوبره ۳۴۴ کسان اعدام شوي، چې د ۱۳۵ اعدامول یې په رسمي توګه نه دي اعلان شوي.

پر دې بنسټ، په ایران کې ډېری تورن د نشه يي توکو په تور نیول شوي او اعدام شوي دي.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .