پوليس د لندن بريد سره د يو ترهګر عمل چلن کوي

بريتانوی حکومت د لندن پر يو سړک د يوه سړي وژنې سره د يوه ترهګر بريد په توګه چلن کوي.

عينی شاهدان وايي وژل شوی کس چې فکر کېږي يو سرتېری وي، د دوو کسانو له لوري د ساتول په ګډون وسلو سره وژل شوی دی.

دوی يې بيا مړی د لندن جنوب ختيځ وولوېچ سيمه کې له يوې پوځي اډې سره نژدې پر سړک پرې ايښی دی.

يو بريدګر چې لاسونه يې وينو سره وو، په داسې حال کې يې فېلم اخيستل شوی چې سياسي وينا يې کوله او ويل يې "پر لوی الله قسم ستاسې سره به جګړه نه دروو."

خبريالان وايي دواړو سړيو بيا پوليسو ته انتظار کاوه، چې له شاوخوا شل دقيقو وروسته ورسېدل او په ډزو يې پيل وکړ.

دواړه شکمن بريدګر اوس په روغتون کې تر درملنې لاندې دي.