قاهره کې زرګونه ځواکونه ځای پر ځای شوي

زرګونه امنيتي ځواکونه او پولیس د مصر د پلازمینې قاهرې په کوڅو او سړکونو کې په داسې حال کې په ګزمه بوخت دي چې د لېرې کړای شوي ولسمشر مخالفین او پلویان دواړو د پراخو لاریونونو غوښتنه کړې.

د ښار ځینې برخې تړلې دي.

د اخوان المسلمین ګوند ژمنه کړې تر هغو به خپلو اعتراضونو ته دوام ورکوي چې ښاغلی مرسي بیرته خپلې دندې ته راولي.

خو بل لوري ته د مصر د پوځ مشر پر خلکو غږ کړی چې لارو کوڅو ته راووځي او د هغه څه پر وړاندي ودریږي چې دوی یې ترهګري بولي.