کراچۍ کې وسله والو ۴ پوليس ويشتلي دي

د پاکستان په تر ټولو ستر ښار کراچۍ کې نامعلومو کسانو څلور پولیس په ډزو وژلي دي.

پولیس د شپې مهال په ګزمې بوخت وو، چې په مرمیو ویشتل شوي او جسدونه په خپل ګاډي کې موندل شوي دي.

د چارواکو په وینا دغه برید د پولیسو د مورال ټیټولو یوه هڅه ده.

په وروستیو کې په کراچۍ کې د تاوتریخوالي لړۍ چټکه شوې ده.

د تاوتریخوالي د دې لړۍ پړه پر ورانکارو، قومي او فرقه يي ډلو اچول کېږي.