بنګله دېش کې درمل پلورونکو کاربندیز اعلان کړی

په بنګله دېش کې درمل پلورونکو د حکومت د هغه ګام پرضد کاربندیز اعلان کړی چې له مخې یې د ناقانونه درملو مخنیوی غواړي.

یوازې د روغتونونو درملتونونه پرانېستي پاتې دي.

تېره اوونۍ پولیسو د تاریخ تېرو، جعلي او ناقانونه درمل پلورنې په تور سلګونه کسان ونیول او یو شمېر درملتونونه یې وتړل.

حکومت وايي د کورني درمل جوړونې صنعت د خوندیتوب لپاره هڅې کوي، خو درمل پلورونکي شکایت کوي چې دوی د حکومت د ګامونو قرباني کېږي او ربړول کېږي.