دوه کاله وړاندې همدا د ډسمبر ۱۶ مه وه چې د پېښور پر پوځي ښوونځي برید وشو او ۱۴۸ کسان چې ډېری یې زده کوونکي وو ووژل شول.
تر هغې پېښې وروسته د پاکستان دولت د ترهګرۍ ضد د ملي تګلارې اعلان وکړ او ورسره سم يې د قبایلي سیمو په ګډون د دغه هېواد په ډېرو سیمو کې چاڼيز عملیات وکړل.
اسلام اباد کې زموږ همکار خدای نور ناصر د عوامي نېشنل ګوند له سیاستوالې بشرا ګوهر سره مرکه کړې.
لومړی یې ترې پوښتلي چې ایا پاکستان په رښتيا هم د ترهګرو پر ضد له زړه عمليات کړي؟