اسلام اباد: د پښتنو احتجاج په انځورونو کې

اسلام اباد کې له تېرو لسو ورځو راهیسې د زرګونو پښتنو پرلت یا احتجاجي ناسته روانه ده، چې پکې د پښتونخوا، قبایلو، بلوچستان، کراچۍ او نورو سیمو پښتانه ګډون لري.

Image caption دا مظاهرې له هغه وروسته پیل شوې چې تېره میاشت کراچۍ کې د یو پښتون ځوان ماډل نقیب الله مسید مړی وموندل شو.
Image caption په اسلام اباد کې راټول پښتنانه احتجاج کوونکي بېلابېلې غوښتنې لري، خو مهمې هغه یې د سند ایالت د پولیسو د افسر راو انوار نیول، د هغو لادرکه پښتنو برخلیک مالومول چې قبایلي سیمو کې د پاکستاني پوځ د عملیاتو پر مهال تری تم شوي، او له قبایلي سیمو څخه د هغو ځمکنیو ماینونه پاکول دي چې د پاکستان پوځ ځای پر ځای کړي.
Image caption یاده دې وي چې د پاکستان لومړي وزیر شاهد خاقان عباسي د تېرې چارشنبې پر ورځ په اسلام اباد کې پښتنو احتجاج کوونکو سره ولیدل. خو له دې لیدنې سره سره د دوی ناسته لا هم دوام لري.
Image caption د تېرو لسو ورځو په ترڅ کې ګڼ شمېر پښتنو سیاست والو او مخورو د اسلام اباد د احتجاجي ناستې ملاتړ اعلان کړی
Image caption احتجاج کوونکي پښتانه وايي، تر هغې به خبل پرلت نه ختموي چې راو انوار نیول شوی نه وي او سزا ورکړل شوې نه وي.