پښتونخوا: د ښوونځي نجونو ته د حکومت په پيسو بورکې اخیستل شوې

مردان د انځور حقوق SOCIAL MEDIA

د خیبر پښتونخوا مردان سیمه کې د واکمن تحریک انصاف ګوند یوه ځايي مشر او پخواني کونسلر مظفر شاه په حکومتي پیسو د ښځینه زده کوونکو لپاره بورکې یا بوکرې چمتو کړې دي.

ویل کېږي پر یوه بورکه ۱۰۰۰ روپۍ لګښت شوی او د مردان په رستم سیمه کې د نجونو یوه ښوونځي ۶۹ زده کونکیو د بورکو او ټیکریو د لګښت لپاره سل زره روپۍ منلې شوې دي.

تېره میاشت د خیبر پښتونخوا په هریپور سیمه او پېښور ښار کې د پوهنې چارواکو د ښځینه زده کونکو لپاره د عبایا اغوستل لازمي وبلل.

پېښور: ښوونځیو کې د نجونو حجاب اجباري کولو پرېکړه بېرته اخیستل کېږي

ترکیه کې پر حجاب بحث بیا ناندریز شو

د خیبر پښتونخوا تعلیم ادارې سلاکار ضیاالله بنګښ ویلي و، دا امر د ښځینه زده کونکیو د خوندیتوب لپاره شوی دی، خو وروسته د صوبې د اعلی وزیر محمود خان په امر دغه حکم بېرته واخیستل شو.

د انځور حقوق SOCIIAL MEDIA

اوس چې د مردان ځايي حکومت په پیسو د ښځینه زده کوونکو لپاره بورکې چمتو شوې، د پېښور پوهنتون یوه استاده لیلا خالد وايي، د بورکو اغوستل د ستونزې حل نه دی:

''دلته خو نژدې ټولې ښځې بورکې اغوندي، ټيکري پرسروي یا عبایا اغوندي، خو د ستونزې حل دا نه دی، بلکې حکومت باید د ښځو امنیت خوندیتوب لپاره نور کوټلي ګامونه پورته کړي. ''

تېره میاشت د ښځینه زده کوونکو لپاره د عبایا اغوستو امر پر خواله رسنیو پراخ غبرګونونه راپورته کړل. ځینې کسانو هغه امر د سخت دریځۍ فکر ته ورته والی بللی و.

د خواله رسنیو یو شمېر کاروونکو لیکلي و، چې پرده د خلکو شخصي مسله ده او دا داسې موضوع نه ده چې حکومت یې په حل پسې ورګرځي.