د ډاکټر شکیل اپرېدي قضیه

د ډاکټر شکیل اپرېدي قضیه

هغه ډاکټر چې د القاعدې د مشر اسامه بند لادن ځای ځايګي معلومولو کې د امريکا له استخباراتي اېجنسۍ سي ای اې سره په مرستې تورن دی، زندان کې يې خوراکبنديز کړی دی. د ډاکټر شکيل اپريدي قانوني وکيل قمر نديم اپريدی وايي موکل یې ساهيوال زندان کې له څو ورځو راهيسې خوراک بند کړی دی.

ډاکټر شکيل اپريدی ۲۰۱۱ کال کې د پېښور له کارخانو بازاره نيول شوی و. ده ته بيا د خيبر اېجنسۍ يوه عدالت يا محکمې ۲۳ کاله بند سزا ورکړې وه. قانوني وکيل يې له بي بي سي سره د خوراکبنديز پر وجو او لاملونو خبرې کړې دي.