کوټه کې چاودنې درې محصلین وژلي

کوټه د انځور حقوق BBC World Service
Image caption دا لا مالومه نه ده چې ایا د برید موخه همدغه بس و او که بل څوک.

د پاکستان بلوچستان مرکز کوټه کې د پوهنتون پر یوه بس چاودنې لږترلږه ترې محصلین وژلي او ګڼ نور یې ټپیان کړي دي.

دا لا مالومه نه ده چې ایا د برید موخه همدغه بس و او که بل څوک.

پولیسو ویلي چاودنه په بس کې د ځای پرځای شوو چاودېدونکو توکو کله کبله رامنځ ته شوې ده.

دغه بس د یوه سیمه ییز کالج اړوند محصلین لېږدول.

تر اوسه د چاودنې پړه چا نه ده منلې، خو تر ډېره ددا ډول چاودنو پړه پر پاکستاني اورپکو او طالبانو اچول کېږي.

د بلوچستان توکمیزو شخړو د ګڼو کسانو ژوند اخیستی دی.

په دغه ایالت کې له څه مودې راهیسې توکمیز بریدونه ډېر شوي دي.

وړاندې افغان او لوېديځو چارواکو ویلي چې کوټه کې د طالبانو مشران افغانستان کې د بریدونو پلانونه جوړوي.

خو پاکستان دا ډول ادعا تل رد کړې ده.

په تېر جون کې کوټه ښار کې پر یوې دیني مدرسې ورته برید لږترلږه ۱۵ کسان ووژل.

ورته مطالب