مولوي فقیر محمد: حکیم الله مسید به زموږ مشر وي

د خپريدو وخت: 10:28 گرینویچ - دوشنبه 29 اکتوبر 2012 - 08 لړم 1391

حکیم الله مسید اوس هم د طالبانو مشر دی او په راتلونکي کې به یې هم مشر وي. مولوي فقیر محمد

په باجوړ کې د پاکستان د وسله والو طالبانو مشر مولوي فقیر محمد هغه ګنګوسې رد کړې، چې ګواکې د حیکم الله مسید په ځای په سوات کې د پاکستاني طالبانو مشر مولوي فضل الله د هغه ځای ناستی ټاکل کیږي.

له یوه نامعلومه ځایه له بي بي سره په خبرو کې مولوي فقیر محمد وویل، چې حکیم الله مسید، د طالبانو شورا د رایو په اتفاق سره مرکزي مشر ټاکلی و.

د ده په وینا له همدې امله دغه ډول ټولې ګنګوسې دروغ دي، چې ګواکې اوس د حکیم الله مسید په ځای مولوي فضل الله د طالبانو د مشر په توګه ټاکل کیږي.

"د سږ کال په لومړیو کې د مولوي فقیر محمد په اړه هم ویل شوي و، چې د پاکستاني طالبانو مشر حکیم الله مسید د پاکستاني طالبانو دغه دویم نمبر جګپوړی مشر له خپلې دندې لرې کړی دی."

د نوموړي په خبره حکیم الله مسید اوس هم د طالبانو مشر دی او په راتلونکي کې به یې هم مشر وي.

په سوات کې پر ملاله یوسفزۍ له برید وروسته د پاکستان د کورنیو چارو فدرالي وزیر رحمان ملک ویلي و، چې په سوات کې د طالبانو مشر مولوي فضل الله د حکیم الله مسید په ځای د دغه تحریک د نوي مشر په توګه ټاکل کیږي.

د سږ کال په لومړیو کې د مولوي فقیر محمد په اړه هم ویل شوي و، چې د پاکستاني طالبانو مشر حکیم الله مسید د پاکستاني طالبانو دغه دویم نمبر جګپوړی مشر له خپلې دندې لرې کړی دی.

هاغه مهال یوې سرچینې بي بي سي ته ومنله، چې دا پرېکړه د طالبانو د مشرانو په شورا کې شوې وه.

د ۲۰۰۹ په اګست کې د بیت الله مسید تر وژل کېدو وروسته د پاکستاني طالبانو ډله کمزورې شوه.

د مسید تر وژل کېدو وروسته، د مولوي فقیر محمد د مشر کېدو احتمال ډېرو. خو تحریک طالبان پاکستان هغه د شمالي وزیرستان په قبایلي سیمو کې پر خپله دنده پرېښود.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .